Kismaayo: (pp)- Abbaarihii 13:45 ayaa waxaa magaalada Kismaayo dhinaceeda Koonfur galbeed loo yaqaan dalacadda saaranna wadada eeraboorka kismaayo aadda ka bilowday isku dhac hubaysan oo dhexmaray ciidamada maamulka Jubaland iyo ciidamo u daacad ah Iftiin Xasan Baasto oo saaxiib dhow ay yihiin Wasiirka Gaashaandhigga dowladda Federalka ee Soomaaliya.
Isku dhacan ayaa loo nisbaynayaa ka dib markii Iftiin Xasan Baasto loo diiday inuu booqdo Wasiirka Gaashaandhigga dowladda Federalka e Soomaaliya oo ku xanniban Hotel CasCasay ee Magaaladda Kismaayo. Iftiin ayaa ku andoocanaya inuu ka careysan yahay in Ciidamada maamulka Jubaland ay si xun ula macaamileen oo ay gacan ula tageen isla markaana muddo kooban ay ku xireen saldhigga booliska ee magaalada Kismaayo.
Dhanka kale ciidamada ayaa sheegay inuu ka dhega adeygay awaamiir fareysay inaan ninkaas loo tegi Karin sidaa daraadeeedna uu Iftiin gurigiisa dib ugu laabto. Sidaa dareedeed ay ku khasbanaaden ineey u taxaabaan baraha amniga ee Kismaayo halkaas aanu ka siidaayeen markii odayaal beesha Cowramaleh ee uu Iftin ka dhashay ay u yimaadeen si ay damiinteen.
Ciidanka ayaa markaa ka dib sheegay inuu Iftin oo wata ciidan hubaysan oo beeshiisa ah uu ciidan maamulka ka tirsan oo lagu sheegay labo askari taxaabtay. Taasina waxay keentay inay ciidanku ka jawaabaan. Halkaas ayaa waxaa ka bilowday isku dhac hubeysan.
Ciidanka maamulka ayaa ku sii qulqulaya dhinaca dalacadda iyo qudbiga halkaas lagaga soo ridayo ciidanka maamulka rasaas xooggan. Xabbadda ayaa weli dhacaysa. Waxaanna goobta ka dhow wariyahayaga goboalada Jubbooyinka oo iminka ku sugan magaalada Kismaayo.
Wixii soo kordha nagala soco warsidaha Puntlandpost.com