Quantcast
Channel: Puntland Post
Viewing all articles
Browse latest Browse all 22737

Madaxweynaha Dawladda Puntland oo Daah-furay Xafiiska Sanduuqa Horumarinta Gobolka Mudug

$
0
0

Madaxweynaha Dawladda Puntland Dr.Cabdiweli Maxamed Cali Gaas ayaa Maanta 24-Dec-15 magaalada Gaalkacyo ka daahfuray Xafiiska Sanduuqa Horumarinta Gobolka Mudug, sanduuqaas oo hore loogaga dhawaaqay magaalada Gaalkacyo ee Xarunta Gobolka Mudug.

Munaasibaddi  lagu daahfurayey Xafiiska ayaa waxaa goob joog ka aha Guddoomiyaha Guddiga Sanduuqa, guddoomiye ku-xigeenka guddiga,  xubno katirsan guddiga sanduuqa, Nabadoono, ganacsato, aqoonyahan  iyo qurba-joog .

Guddoomiyaha Guddiga Sanduuqa horumarinta gobolka Mudug Amiir Maxamuud Yuusuf ayaa madaxweynaha uga mahadceliyey sida uu ugala soo qayb galay daahfurka xafiiska isla mar ahaantaana ka-warbixiyey halka uu marayo sanduuqu isagoona sheegay in waxbadan oo kamid ah dhaqaalihii sanduuqa loogu yaboohay ay soo  xeroodeen inkastoo ay jiraan dhaqaale lagu yaboohay balse aan weli soo gaarin sanduuqa.

Madaxweynaha Dawladda Puntland Dr.Cabdiweli Maxamed Cali Gaas ayaa sheegay sida uu ugu faraxsanyahay daahfurka xafiiska oo ah mid wax badan kusoo kordhin doono horumarka baaxadda leh ee dawladdu kawado gobolka Mudug isla markaasi loo baahan yahay in lagaga dhabeeyo ballan qaadyadii hore loogalay oo ku qotomey kaqayb qaadashada tabarucaadka lagu horumarinayo Gobolka.

Madaxweynaha Dawladda Puntland Dr.Cabdiweli Maxamed Cali ayaa qurba joogta Puntland ugu baaqay inay kaqayb qaataan horumarka ay dawladdu kawado Puntland isla markaasi ay bixiyaan qof kasta wixii uu bixin karo si wax-badan looga  bedelo wejiga Puntland.

“waxaa laydinka  rabaa maaha wax badan konton doolar xataa haddaad heli karto soo dir waayo waxa ladhisayaa waa dalkeenii  waa mustaqbalkaagii ee wax ku darso, maxaa yeelay markaad timaadid cusbataal fiican buu ilmahaagu helayaa, waxbarasho fiican buu heleyaa, jid fiican bay marayaan Airport fiican bay kasoo degayaan”ayuu yiri madaxweyne Dr.Gaas.

Madaxweynaha Dawladda Puntaland ayaa dadka gobolka Mudug ku tilmaamay inay tusaale u yihiin gobollada kale ee Puntland isla markaasina sanduuqani haddii uu fashilmo aanay suura gal ahayn in gobollada kale ee Puntland laga hir geliyo barnaamijkan isku tashiga ah, welibana ku booriyey in meel looga soo wada jeesto sidii looga hor tegi lahaa dib u dhac kasta oo ku imaan kara dardargelinta Sanduuqaasi.

Madaxweyne Gaas ayaa sidoo kale sheegay qorshaha dawladda ee ku aaddan sanduuqani inuu yahay sidii Puntland oo dhammi ay u heli lahayd Jidad, Dekedo iyo Garoomo diyaaradeed isla markaasna loo baahan yahay inaan loo kala harin kaqayb qaadashada sanduuqan si looga dhabeeyo himiladaasi.

Madaxweynaha Dawladda Puntland Dr.Cabdiweli Maxamed Cali Gaas shacabka gobolka mudug ugu baaqay inay garab istaagaan guddiga loo xil-saaray dhaqaale ururinta Sanduuqa gaar ahaan haweenka gobolka Mudug oo ah laf dhabarta dhaqaalaha gobolka Mudug  isla markaasina labixiyo wixii hore loogu yaboohay.

Geba-gebadii Madaxweynaha Dawladda Puntland Dr.Cabdiweli Maxamed Cali ayaa guddiga ku booriyey inay bulshada u soo bandhigaan bil walba dhaqaalaha soo gaarey iyo kharashaadka baxay si loo helo xisaab celin dhab isla markaasina kalsooni dheeraad ah loogu muujiyo Bulshada.

—DHAMMAAD—

 XAFIISKA WARFAAFINTA, WACYIGELINTA, HIDDAHA IYO DHAQANKA EE MADAXTOOYADA PUNTLAND.
IMG_9546 IMG_9549 IMG_9553 IMG_9555 IMG_9562 IMG_9566 IMG_9569 IMG_9572 IMG_9578 IMG_9580 IMG_9584 IMG_9587 IMG_9592 IMG_9623 IMG_9632 IMG_9640 IMG_9643 IMG_9644 IMG_9646 IMG_9648 IMG_9652 IMG_9654 IMG_9662 IMG_9670 IMG_9682 IMG_9687 IMG_9696 IMG_9699 IMG_9702 IMG_9707 IMG_9715 IMG_9726 IMG_9738 IMG_9740 IMG_9744 IMG_9746 IMG_9750 IMG_9751 IMG_9757 IMG_9767 IMG_9773 IMG_9775 IMG_9783 IMG_9791 IMG_9793 IMG_9799 IMG_9810 IMG_9813 IMG_9819 IMG_9823 IMG_9827 IMG_9835 IMG_9837 IMG_9839 IMG_9840 IMG_9849 IMG_9851 IMG_9856 IMG_9863 IMG_9864 IMG_9876 IMG_9886 IMG_9888 IMG_9895 IMG_9918

The post Madaxweynaha Dawladda Puntland oo Daah-furay Xafiiska Sanduuqa Horumarinta Gobolka Mudug appeared first on Puntland Post.


Viewing all articles
Browse latest Browse all 22737

Trending Articles



<script src="https://jsc.adskeeper.com/r/s/rssing.com.1596347.js" async> </script>