Quantcast
Channel: Puntland Post
Viewing all articles
Browse latest Browse all 22737

Madaxweynaha Dawladda Puntland oo Tababar u soo xidhay cutubyo ka tirsan ciidanka ilaalada Madaxtooyada

$
0
0

Madaxweynaha Dawladda Puntland Dr. Cabdiweli Maxamed Cali Gaas ayaa maanta 7-April-2016-ka Xarunta Madaxtooyada Dawladda Puntland ee Garoowe Tababar ugu soo xidhay cutubyo ka tirsan ciidanka ilaalada Madaxtooyada dawladda Puntland oo muddo dhawr bilood ah ay tababarro uga socdeen labada xarumood ee Madaxtooyada ee magaalooyinka Garoowe iyo Boosaaso.

Ciidanka ilaalada Madaxtooyada shaqadoodu kuma koobna ilaalinta Madaxtooyada oo keliya balse waxay qayb ka qaataan hawl-gallada deg-degga ah ee la faro in ay fuliyaan iyo sidoo kale in ay kaqayb qaataan dagaallada lagula jiro kooxaha sharwadayaasha Al-shabaab iyo cid kasta oo kusoo xad gudubta Puntland, waxaana ciidankaas oo aad u tiro badan saaka tababarka  loosoo xidhay  161-askari oo kamid ah ciidankaasi,  iyadoona uu ugu dambayntii Madaxweyne Gaas guddoonsiiyey shahaadooyin sharafyo qayb kamid ah ciidankaasi oo xilligii tababarku socdey muujiyey dedaal dheeraad ah.

Sidoo kale Munaasibadda Tababarka loogu soo xidhayey ciidanka ayaa waxaa kasoo qayb galay Taliyaha guud ee ciidanka Daraawiishta Puntland Generaal Siciid Maxamed Xirsi (Siciid Dheere), Taliyaha Ciidanka ilaalada Madaxtooyada Gaashaanle sare Abdirashiid Maxamuud Ashkir (Qodhob), Saraakiil sarsare oo ka tirsan laamaha kala duwan ee ciidanka iyo agaasimayaal.

Madaxweynaha Dawladda Puntland Dr. Cabdiweli Maxamed Cali Gaas ayaa ku ammaanay saraakiisha ciidanka dedaalka ay ugu jiraan tayaynta iyo qalabaynta laamaha kala duwan ee ciidanka taas oo sabab u noqotay in ay toddoba cisho gudohood kusoo afjaraan hawl-galkii Puntland lagaga sifaynayey kooxihii sharwadayaasha Al-shabaab ee duullaanka kusoo qaaday Puntland.

Sidoo kale Madaxweynaha Dawladda Puntland ayaa kula dardaarmay ciidankii tababarku usoo xidhmay  in looga baahan yahay in ay marwalba ka duwanaadaan ciidamada kale maadama ay joogaan muraayaddii dalka oo ah halka laga qiimaynayo tayada ciidanka dalka, waxaana u u ballan qaaday Madaxweynuhu in ay heli doonaan tababarro dheeraad ah iyo dallacsiin.

—DHAMMAAD—

XAFIISKA WARFAAFINTA, WACYIGELINTA, HIDDAH AIYO DHAQANKA EE MADAXTOOYADA DAWLADDA PUNTLAND.

Halkaan ka dhegeyso Khudbaddii Madaxweynaha

IMG_4767

IMG_4768 IMG_4771 IMG_4772 IMG_4774 IMG_4777 IMG_4778 IMG_4780 IMG_4781 IMG_4785 IMG_4786 IMG_4789 IMG_4790 IMG_4793 IMG_4794 IMG_4797 IMG_4799 IMG_4806 IMG_4809 IMG_4811 IMG_4813 IMG_4816 IMG_4817 IMG_4819 IMG_4825 IMG_4826 IMG_4827 IMG_4829 IMG_4830 IMG_4847 IMG_4850 IMG_4853 IMG_4854 IMG_4856 IMG_4860 IMG_4865 IMG_4870 IMG_4873 IMG_4874 IMG_4877 IMG_4881 IMG_4888 IMG_4889

The post Madaxweynaha Dawladda Puntland oo Tababar u soo xidhay cutubyo ka tirsan ciidanka ilaalada Madaxtooyada appeared first on Puntland Post.


Viewing all articles
Browse latest Browse all 22737

Trending Articles



<script src="https://jsc.adskeeper.com/r/s/rssing.com.1596347.js" async> </script>