Waa hadda ama maya waligeed!, xulka qaranka Argentina ayaa garbahooda ka dareemaya culays wayn waxayna sanadkii labaad oo xidhiidh ah ay soo gaadheen finalka Copa America Centenario oo bishan ka socday dalka Maraykanka. Lionel Messi iyo asxaabtiisa Argentina ayaa markale caawa isku diyaarinaya finalka Copa America Centenario oo ay markale iskaga hor iman doonaan xulka qaranka koobkan difaacanaya ee Chile.
Tababare Gerardo Martino iyo xulka qarankiisa Argentina ayaa diirada caawa ku haya sidii ay meesha uga saari lahaayeen inkaarta ka haysatay finalada koobabkii la soo dhaafay ee Copa America 2015 iyo koobkii aduunka ee 2014 ka dhacay Brazil oo xulka qaranka Argentina labadaba finalka lagu reebay. Sidoo kale Argentina ayaa doonaysa in ay koob ku guulaysato kadib muddo 23 sano ah oo ay abaar xun oo koob la’aan ahi ay haysatay.
KULANKA: Finalka Copa America Centenario
Qaramada: Argentina vs Chile
Garoonka: MetLife Stadium, East Rutherford, New Jersey
Waqtiga: 3:00 AM Saacada Geeska Afrika
Xogta TV-ga: Fox Sports (U.S.), Premier Sports (UK), Bein Sports.
Argentina ayaa finalka soo gaadhay iyaga oo soo wada guulaytay dhamaan kulamadii ay soo ciyaareen waxayna soo muujiyeen sababta ay markan u yihiin kuwo laga cabsado, waxayna xulka qaranka Chile hore iskugu soo arkeen heerkii Groupyada waxaana markaas guul soo gaadhay xulka qaranka Chile balse marka ay final iyo kulan kama danbays ah ay noqoto wax kastaaba way adag yihiin.
Xulka qaranka koobkan difaacanaya ee Chile oo uu hor kacayaan Alexis Sanchez iyo Arturo Vidal ayaa doonaya in ay sii wataan wacdaraha ay la soo baxeen sanadihii ugu danbeeyay isla markaana ay sidii Argentina laba sano oo xidhiidh ah ay ku guulaystaan Copa America.
Angel di Maria ayaa qaab ciyaareed aad u fiican ku soo bandhigay kulankii heerkii groupyada ee Chile iyo Argentina waxaana la filayaa in uu markale soo laaban karo finalka Copa America kadib dhaawac uu la maqnaa, waxa kale oo doorasha noqon kara Nicolas Gaitan iyo Erik Lamela.
Chile wax walwal ah kama qabto dhaawacyo waxaana dib u soo laabtay Marcelo Diaz halka Arturo Vidal uu ka soo laabanayo ganaax uu ku seegay kulankii afar dhamaadka ee Colombia.
Gonzalo Higuain ayaa qaab ciyaareedkiisii Napoli ee xili ciyaareedkii dhamaaday u soo min guurayay xulka qarankiisa Argentina, wuxuuna halis wayn ku noqon doonaa Chile isaga oo waliba xusuusan ceebtii ka soo gaadhay finalkii Copa America 2015 markaas oo uu xulka qarankiisa ka lumiyay rekoodhihii uu tuuray.
KOOBKA ADUUNKA:
1994 – wareega 16ka
1998 – Sideed Dhamaadka
2002 – Heerka Groupyada
2006 – Sideed Dhamaadka
2010 – Sideed Dhamaadka
2014 – Finalka ayay soo gaadheen
FIFA CONFEDERATIONS CUPka
2005 – finalkay soo gaadheen
The post Argentina Iyo Chile Oo Isku Diyaarinaya Finalkii Copa America 2015 Iyo 2016 Iyo Argentin Oo Doonaysa In Ay Markeeda Chile Ka Aarsato appeared first on Puntland Post.