Golaha Qurba-joogta Puntland ee caasimada labaad ee UK Birmingham. ( Puntland Diasporo Association) waxay aad ugu faraxsanyihiim go aankii dawlada Puntland ka qaadatay arimaha maamul usamaynta dalka somalia gaar ahaan hagar daamada lagu hayo dhismaha dawlada Jubaland.
Anagoo ah golaha fulinta ee Puntland Diasporo Association ee magaalada Birmingham waxaan aad ugu faraxanahay siyaasada dawlada Puntland ee ku aadan maamul usamaynta gobolada dalka somalia iyo hadalkii madaxwayne Abdirahman mohamed mohamud ( faroole ) uu umada soomaaliyeed ugu soo bandhigay qaabka dastuurkii dalka somalia sida aan sharciga waafaqsanayn wax looga badaley
Waxaan ugu baaqaynaa dhamaan walaaha reer Puntland meel kasta oo ay joogaan in ay garab istaagaan dhismaha dawlada Jubaland ee uu hogaamiyo Ahmed Mohamed Islaam iyo General Abdullahi shiekh ismail, sida ay dawlada Puntland ba u muujisay taageeradooda.
Sidoo kale dhamaan umada soomaaliyeed waxaan ugu baaqaynaa in ay taageeraan dhismaha Jubaland si aan u dhiiri galino maamulada kale ee soo socda, maanta waa jubaland, bari na waa bay iyo bakool, saadambana waa Hiiraan iyo Shabeelada Shexe. Horay baan u soconaynaa yaan umada gadaal loo celin.
Ugu dambayn waxaan ugu baaqaynaa madaxda iyo wax garadka Jubaland in ay dadajiyaan dhamaystirka dawlada jubaland gacmanaha is qabsadaan, maanta shacabka soomaaliyeed meel kasta oo ay joogaan taageeradooda waad aragteen waad ogaateen in aydan kaligiin ahayn ee reer Puntland iyo dhamaan shacabkeed soomaaliyeed ba idin taageersan yihiin, waan idin garab taaganahay ee horay u socda ha ku hab saamina kuwa marin habaabinta wada..
Puntland Diasporo Association
Birminghan UK