Baydhabo: (pp)- Wararka naga soo gaaraya Magaalada Baydhabo ayaa sheegaya in Raiisal wasaaraha Dowlada Federaalka ee Soomaaliya Mudane Saacid iyo Wasiirka Gaashaandhiga Fiqi ay u tageen degmada Baydhabo sidii wada hadal loola furi lahaa Odayaal ka wakiil ah Abuu mansoor Roobow.
Roobow ayaa Asbuucii la soo dhaafay wada hadalo la galay masuuliyiin ka tirsan maamulka gobolka Bay iyo Odayaal ka tirsan Beesha uu ka soo jeedo, kuwaas oo ay ka wada hadlay arrimo ku aadan Wadaxaajood nabadeed iyo Xabad joojin intaba.
Wararka ayaa intaas ku daraya in Saacid iyo Fiqi ay magaalada Muqdisho ka kaxeysteen Xildhibaano deegaanka ka soo jeeda iyo Malaaqyo si ay ula xaajoodaan Odayaal ka socda dhanka Roobow.
Dowlada Federaalka inksta oo ay iska fogeysay in ay Baydhabo u tagtay wada-xaajood ku aadan Abuu mansoor Roobow , hadana waxaa soo xoogaysanaya Xaqijinta Warkaasi.
Puntlandpost, Baydhabo, Soomaaliya