Boosaaso(PP): Musharaxa xilka madaxtinimada Puntland Shire Xaaji Faarax ayaa manta kullan qada sharafa ugu sameeyay magaalada Boosaaso qaybaha kala duwan ee bulshada kunool magaalada Boosaaso ee xarunta gobalka Bari.
Intii ay socotay munaasabada qado sharafta ah ayaa waxaa madasha khudbado kasoo jeediyay qaar kamid ah ka qaybgalayaasha xaflada, iyagoona taageero umuujiyay musharax Shire Xaaji Faarax.
Musharax Shire Xaaji Faarax oo ugu harayn kahadlay kullanka, ayaa kaqayb galayaasha munaasabada usoo bandhigay waxyaalaha qorsha ugu jiro inuu wax kaqabto hadii uu ku guulaysto xilka madaxtinimada ee Puntland.
Shire Xaaji Faarax ayaa sheegay in marka ugu horaysa uu muhiimada siin doono wax kaqabashada arrimaha bulshada sida, kor uqaadista kaabayasha dhaqaalaha iyo sidii ay ardayda Puntland uheli lahaayeen wax barasho lacag la,aan ah .
…,, Hadii la idoorto waxaan samayn doonaa cashuur dhimis si loo dhiiri geliyo ganacsatada Puntland, kuwa caalamiga ahna loogusoo dhoweeyo inay maal gashtaan Puntland…,, ayuu yiri musharax Shire Xaaji Faarax.
Musharax Shire Xaaji waxa uu dhanka kale sheegay inuu xiriir wanaagsan lasamayn doono dowlada faderaalka Soomaliya, si Puntland ay uhesho xaqa ay ku leedahay dowlada dhexe ee soomaliya.
Dhinaca kale dadkii kahadlay kullanka ayaa musharax usoo jeediyay hadalo iskugu dhafan dardaaran iyo dhiirigelin, waxayna dhamaan taageero umujiiyeen musharax Shire Xaaji Faarax.
Kullankaan uu musharax shire Xaaji Faarax laqaatay qayabaha kala duwan ee bulshada kunool magaalada Boosaaso, ayaa qayb ka ah ololihiisa musharaxnimada, waxaana lafilayaa inay jiri doonaan kullamo kale oo uu laqaato bulshada Rayid ka ah.
Puntlandpost.com
Xafiiska Boosaaso