Garowe(pp) Waxaa saakay magalada Garowe xarunta dowladda Puntland ka dhoofay wafdigii uu hoggaaminayay madaxwaynaha mamulka Jubba Axmed Maxamed Islaan(A.Madoobe) oo ka qayb galay xaflada caleemo saarka madaxda Puntland.
Garoonka diyaaradaha magalada Garowe waxaa kusii sagootiyay madaxwaynaha Puntnad Dr.Cabdiwali Cali Gaas ku xigeenkiisa Cabdilaahi Xaaji Camey iyo wasiiradii hore iyo dadwayne kale.
Axmed Madoobe oo hadlay ayaa u mahad celiyay madaxda Puntland iyo dhamaan shacabka sidii wanaagsanayd ee caasumadda loogu soo dhaweeyay,wuxuna sheegay Puntland iyo Jubba inay yihin dad walaalo ah oo jecel ka shaqaynta midnimadda iyo hormarka dalka.
Madaxwaynaha Dowladda Puntland Dr.Cabdiwali Maxamed Cali(Gaas) ayaa sheegay inay ku faraxsan yihiin madaxda Jubba kasoo qayb galka xafladooda caleema saarka,wuxuna sheegay inay wax badan oo u dhaxeeya labada dhinac kasii wada shaqayn doonaan.
Sallaan sharaf ayay ka qaateen ciidanka qalabka sida ee Puntland.
Dowladda Puntland ayaa qayb wayn ka qaadatay dhismihii mamulka Jubba,sidoo kale waxay gurmad caafimaad u fidisay dadkii ku dhaawacmay dagaaladii Kismaayo ka dhacay xiligii ay socotay dhismaha mamulka Jubbaland.
Cali Cabdi Ducaale
Puntlandpost.com
Xafiiska Garowe