(Bosaso PP)Bulshada ku nool degmada Balli-Dhidin ayaa bilaabay qorshe ah sidii ay degmada uga hirlgelin lahaayeen isbitaal guud, kaasi oo kharashka dhismihiisa lagu bilaabay laga aruuriyay qaybaha Kala duwan ee bulshada deegaankaasi.
Dhaqaalaha ay iska aruuriyeen shacabka degmadaasi ayaa ahayn mid ku filan dhismaha isbitaalka, hase ahaatee waxaa jira baahyoi ay qabaan dhammaan bulshada halkaas ku nool iyo inta ay degmada Balli-Dhidin ay Xukunto haba ugu horeysee dhismaha xarunta caafimaad
Nabdoon Siciid Bile oo ka mid ah nabadoonada degmada ayaa ka warbixiyay waxyaabaha ku dhaliyay dhismaha xaruntan caafimaad waxa uuna sheegay in dadka degmada iyo inta ay xkuntaba ay la kulmaan daryeel la’aan oo dhanka caafimaadka ah , taasina ay keentay in maanta la bilaawo dhismaha isbitaalka degmada
Waxaa uu intaasi ku daray nabadoonka in dad qabay dhibaatooyin fara badan ama xanuuno ay geeriyoodeen intii loo waday magaalooynka kale ay ka jiraan xarumaha caafimaad sida magaalada Bosaso
Waxa uu ugu baaqay nabadoonka dowladda Puntland, gaar ahaaan wasaaradda caafmaadka in ay gacan ka geysato hirgalinta isbitaalka, isla markaana wasiirka cafimaadka ay rajeenayaan in uu soo gaaro degmada
Daad Maxamed Muuse oo isna ka mid ah waxgaradka ayaa sheegay in ay dadka deeganka ay muujiyeen karti isla markaana ay hada bilaabeen dhisida isbitaalka guud ee Balii-Dhidin, waxaana uu sheegay in maamulka Puntland uu booskiisi banaan yahay sidoo kalena ay sugayaan jaaliyada reer Ball- Dhidin ee dibadah ku maqan doorkii ay ku lahaayeen
Iftin Maxamed Shire oo ah kal-Kaalisida degmada ayaa sheegtay in dhibaatooyin aan la soo koobi karin ay kala kulantay xarun la.aanta ka jirta degmadaasi, iyadoona sheegtay in ay jiraan haween u geeriyooday xarun caafimaad la’aan maadaama aan u dhawayn deegaanka isbitaal
Dhanka kale waxaa kalmado lagu dhiira galinayay bulshada soo jeediyay C/xaafid Cali Yuusuf gudoomiyhii hore ee gobalka Bari iyo siyaasi Maxamed Cilmi Cabdalah
Degmada Balli-Dhidin ayaa ka mid ah deeganada ay bulshadeedu ay mar walba danahooda horamarineed ay ka shaqeeyaan iyadoona iminka waxii la sugaaba ay tahay Booskii dowlada iyo Jaaliyada deegaankaas au uga qeyb qaadan lahaayen hormarinta Balli-Dhidin
Hadaba Cidii Rabta inay ka qayb qaadato dhismah Xaruntaa caafimaad ee degmada Balli-Dhidin ku soo Dir dhaqaalaha y doonayso in ad ku caawisid dhismaha isbitaalka A/CC.Dahabshiil.004163
puntland post.com
xafiska Bosaso