Boosaaso(pp)Madaxweyne ku xigeenka Dowladda Puntland Mudane Eng Cabdixakiin Xaaji Cabdulaahi Cumar Camey oo ay weheliyaan xubno ka tirsan golaha wasiirada puntland ,maamulka Gobalka Bari ,kan dagmada Boosaso ayaa maanta kormeeray garoonka diyaaradaha ee magaalada Boosaaso ee xarunta Gobalka Bari
Madaxwayne ku xigeenka Puntland Eng Cabdixakiin Xaaji Cabdulaahi Cumar ayaa Waxa uu indha indheeyey inta uu ku sugnaa Garoonka Boosaaso sida ay howsha u socoto, oo xiligaan marayso heer gaba gabo ah dhismaha garoonka diyaaradaha Boosaaso, waxaana uu warbixino uu ka dhagaysaytay maamulka Garoonka Boosaaso iyo Madaxda shirkada Dhisaysa Garoonka
Eng Cabdixakiin Xaaji Cabdulaahi Cumar Madaxwayne ku xigeenka Puntland ayaa kormeerka kadib warbaahinta kulahadlay gudaha garoonka Boosaso , waxaana uu ugu horeen ugu tacsiyeeyay Boliska Puntland Iyo guud ahaa shacabka puntland geeridii alaha naxariistee Taliyihii ilaalada garoonka Boosaaso Marxuum Shire Xasan Amaan oo todobaadkii hore lagu dilay Boosaaso
Eng. Camey ayaa sidoo kale amaanay halka howsha marayso oo uu ku tilmaamay arrin aad loogu farxo dhamaystirka dhismaha wadada ay ku ordaan diyaaraha ee Airport Bandarqasim International ee magaalada Boosaaso
Hoos ka dhagayso Codka Madaxwayne Ku xigeenka
Puntlandpost.com
Xafiisk Boosaaso