Boosaaso(pp)Munaasabad lagu soo bandhigayey buuggan ka hadlaaya taariikhda dalka Soomaaliya, kuna qoran luqadda Carabiga oo lagu qabtay hotel Jubba ee magaalada Boosaaso ayaa waxaa ka soo qeyb galay maamulka degmada, aqoonyahano, ganacsato, dhalinyaro, haween, culimo’udiin, siyaasiyiin,nabadoono, madax ka socotay jaamacadaha magaalada iyo marti sharaf kale.
Buugan ayaa waxaa qoray qoraa dhalinyaro ah oo lagu Magacaabo Cabdiraxmaan Cumar Ismaaciil Waaberi ,kuna dhashay dhashay magaalada Bosaso ee xarunta Gobalka Bari Sanadkii 1997-dii, waxa uuna ku bar-baaray isla magaalada Bosaso.
Qoraaga waxa uu wax ka bartay dugsiga Imaamu Shaafici ee magaalada Bosaso, waxa uuna sidoo kale heystaa shahaada Diploma ah oo luqadda Carabiga, taasi oo uu ka heystu machadka lagu magacaabo Shaariqah ee wadanka Isutaga Imaaraatka Carabta.
Gudoomiyaha ku xigeenka jaamacadda Bariga Afrika Maxamad Maxamuud Ciise oo ugu horeen ka hadlaya xaflada ayaa sheekeeyey muhiimadda u leeyahay buuggan,Waxa uu ugu baaqay shacabka reer Puntland iyo ka soo qeyb galayaashii xafladda in ay qaataan ama iibsadaan buugga si ay uga faa’ideystaan .
Duqa degmada Bosaso Eng. Yaasiin Mire Dacar oo kamid ahaa masuuliyiintii dowlada ee kaqaybgashay munaasabad ayaa sheegay in ay tahay markii ugu horeysay oo uu buug soo saaray wiil dhalinyaro ah uu arko, kaasi oo ku nool magaalada Bsoso ,isla markaana dhawaan filayaan in dhalinta kale ay ku daydaan qoraa Cabdiraxmaan
Qoraa Cabdiraxmaan Cumar Ismaaciil Waaberi oo isna ka hadlay xafladda ayaa sheegay in sababta uu u qoray buugga ay tahay sidii loo soo celin lahaa tayada dadka iyo dalka.
…Kadib markii aan booqday goob lagu soo bandhigayey buugag ay ku qoran yihiin taariikhada qaar ka mid ah wadamada ayaa waxaa goobtaasi ka waayey buug ku qoran taariikhda dalkayga, taasi waa sababata ugu dhalisay in aan qoro buug ka sheekeenaya taariikda dalka Soomaaliya, kaasi oo lagu qoray luqadda carabiga ah ayuu hadalkiisa ku daray qoraaga.
Si kastaba ha ahaatee Cabdiraxmaan ayaa noqonaya shaqsigii labaad oo ka soo jeeda dalka Soomaaliya oo isagoo da’ yar qora bug
Puntlandpost.com
Xafiiska Booosaaso
The post Buug ka hadlaaya Taariikhda dalka Soomaaliya oo lagu soobandhigay Boosaaso appeared first on Puntland Post.