Garoowe: (pp)- Madaxweynaha Puntland Dr C/raxmaan Maxamed Maxamud (Faroole) ayaa sheegey in Turki-gu uu mashaariic horumarineed ka wado Soomaaliya balse uu ku ekaadey oo kaliya Muqdisho,isagoona sheegey in balan qaad uu horey ugu sameeyey Puntland uu uga baxay.
Hadalka oo madaxweynuhu ka sheegey munaasabad maanta lagu qabtey xarunta idaacadda cusub ee Puntland ayuu waxa uu ka hadley mashaariicda horumarineed ee Talyaani-gu ka wado deegaanada Puntland.
“Turki-gu Xamar-buu ku ekaadey, xamar-buuna ku bururey,annagana balan bay noo qaadeen weyna nooga baxeen, howsha ay xamar ka wadaan ugama xumin hadii uu wax u qabanayo waa dad walaalaheen ah, Dowlada Talyaani-ga waan uga mahad celinaynaa mashaariicda Puntland ka wado” ayuu yiri Madaxweyne Faroole.
Dowladda Turkiga ayaa mashaariic badan ka wada magaalada Muqdisho , kuwaas oo qeyb ka qaatey taakuleyn dadka iyo dib u dhiska Gobolka Banaadir.
Nagala soo xiriir : Puntlandpost.pp@gmail.com
Puntlandpost.com
Garoowe.