Marka-(Puntland Post)-Ka dib dagaal xooggan oo ka dhacay magaalada Marka iyo daafaheeda ayaa la sheegayaa iney kula wareegeen ciidamada dowladda iyo AMISOM,halkaasoo duhurnimadii shalay ay si nabada ku qabsadeen Ururka Al-shabaab.
Ciidamada is bahaysanaya oo magaalada kasoo galay dhanka Buufow iyo xagga Ceel-Jaalle ayaa lagu soo warramayaa in gaari nooca dagaalka lagaga gubay,markii ay miino nooca dhulka lagu aaso ah kula kacday dhanka Bari ee magaalada.
Al-Shabaab ayaa muddo 24-saac ku sugnaa magaalada Marka,waxaanay isla xalayba dadka ku soo rogeen ammarro ah inaan la dhageysan karin muusigga iyo in hubka ay soo wareejiyeen beelihii horay ugu dagaallamay halkaas.
Al-shabaab ayaa horay looga saaray marka sanaddii 2012-kii,xilligaasoo uu socday hawl-galkii loogu magac daray Indian Ocean (Badweynta Hindiya) kaasoo ay dowladdu kula wareegtay dhul badan oo gacanteeda ka maqnaa.
The post Ciidamada dowladda Soomaaliya oo dib ula wareegay magaalada Marka appeared first on Puntland Post.