Quantcast
Channel: Puntland Post
Viewing all articles
Browse latest Browse all 22737

Madaxweynaha Dawladda Puntland oo Saraakiisha ugu sarraysa Ciidanka dalka Itoobiya kala hadlay la dagaallanka Argagixida

$
0
0

Madaxweynaha Dawladda Puntland Dr.Cabdiweli Maxamed  Cali Gaas oo subaxnimadii hore ee saaka soo gaadhey magaalada Addis Ababa ee Caasimadda dalka Itoobiya ayaa maanta 18-March-2016 waxaa kulamo muhim ah la qaatay saraakiil sarsare oo ciidaan oo ay kamid ahaayeen Taliyaha Guud ee Ciidanka xoogga dalka Itoobiya General Samora Yonis iyo Taliyaha sirdoonka Millateriga  dalkaasi General Gabredela.

Madaxweynaha Dawladda Puntland ayaa saraakiishaasi ciidan waxa uu kala hadlay sidii ay Ciidanka qalabka sida ee  Puntland ay gacan uga siin lahaayeen dagaalka adag  ee ay kula jiraan kooxaha argagixisada ah ee  Puntland duullaanka kusoo qaaday  kuwaas oo doonaya in ay isku fidiyaan  geeska Afrika.

Madaxaweynaha ayaa sidoo kale saraakiisha kala hadlay muhiimadda ay leedahay Puntland iyo Itoobiya in ay iska kaashadaan is dhaafsiga xogaha la xidhiidha kooxaha argagixisada ah iyo cid walba oo wax u dhimaysa nabadda iyo xasiloonida gaamurtey ee ka hanaqaaday  Puntland iyo Itoobiya, maadaama ay jirto xuduud dheer oo ay wadaagaan Puntland iyo Itoobiya.

Madaxweynaha  ayaa sidoo kale sheegay in Puntland ay isaga filantahay cid walba oo isku dayda inay khalkhal nabadgelyo darro ka abuurto Puntland isla markaana aanay jirin baahi loo qabo keenitaanka ciidamo shisheeye balse ay ciidanka Puntland u baahan yihiin in lagala shaqeeyo  dhinacyada Tababarrada iyo taakulaynta ciidanka.

Saraakiishaasi ciidan ayaa ballanqaaday Puntland inay kala shaqaynayaan wixii tababar ciidan iyo taakulayntooda la xidhiidha ee Puntland ay uga baahan tahay Itoobiya, isla markaasina ay diyaar u yihiin in Puntland iyo Itoobiya ay kawada shaqeeyaan dhinacyada isdhaafsiga xogaha cadowga burcad diimeedka ah, kaas oo ah  cadowga keliya ee ay leeyihiin guud ahaan Ummadda Soomaaliyeed iyo Itoobiya.

—DHAMMAAD—

XAFIISKA WARFAAFINTA WACYIGELINTA, HIDDAHA IYO DHAQANKA EE MADAXTOOYADA DAWLADDA PUNTLAND.

2b4e66ac-a600-4a55-b397-95578e6c0331 5a020675-87ff-4a47-ab15-af5b69327665 7ac967df-610b-4613-a9a2-587602b97110 145d3d6e-d532-44d1-ae1d-80c52b8da620 198a7d4e-b5ee-46eb-9b5e-c6bb45291ff0 c6ec76bb-9043-40c5-bc57-7e4ee3fa729a

The post Madaxweynaha Dawladda Puntland oo Saraakiisha ugu sarraysa Ciidanka dalka Itoobiya kala hadlay la dagaallanka Argagixida appeared first on Puntland Post.


Viewing all articles
Browse latest Browse all 22737

Trending Articles



<script src="https://jsc.adskeeper.com/r/s/rssing.com.1596347.js" async> </script>