Garoowe: (pp)- Madaxweynaha Dowlada Puntland Dr C/raxmaan Maxamed Faroole ayaa sida lagu wado galinka danbe ee manta waxa uu ka hadli doona mowqifka Puntland ee ku aadan arrimaha gobolada Jubooyinka oo ay DF madaxdeedu si cad u sheegtey inay diidan tahay ogolaanshiyaha maamulka Jubaland oo ka mid noqdey mid kusoo biira Dowlad goboleedyada Dastuurka Federaalku dhigayo.
Inkastoo wali uusan ka hadlin Madaxweyne C/raxmaan Faroole tan iyo intii Urur goboleedka IGAD war murtiyeed kazoo saareen arrimaha Jubaland ayaa haddana waxa horey u jirtey Puntland inay horey u cadeysay mowqifkeeda ku aadan taageerada ay u hayso dhismaha Jubaland.
Saraakiil ka tirsan Madaxtooyada Garoowe ayaa u sheegey Puntlandpost in Madaxweyne Faroole shirkiisa jaraa,iid ee galabta uu si weyn uga hadli doono dhacdooyinka siyaasadeed ee maalmihii lasoo dhaafey ka dhex soconayey Jubaland iyo DF .
Ilo wareedyada qaarkood waxay tilmaamayaan in Madaxweyne Faroole cadeyn doono mowqifka Puntland ee ku aadan xiriirka wada shaqeynayd ee u dhexeeya Puntland iyo DF Somalia in uu noqon doono mid sii shaqeeya in kale oo ay Puntland kalsoonida kala noqoto Madaxda Dowlada Federaalka.
Kala soco goor dhow shirka jaraa,iid ee Madaxweyne Faroole ku qaban doono saacadaha soo socda Garowe.