Dugsiga Farsamada Gacanta KAALO WOMEN CENTER oo ku yaala magaalada Garowe ayaa maanta gudoonsiiyay ardey dhamaysatay xirfadaha kala ah barashada tolniinka dharka iyo Qurxinta dumarka qalab loogu tala-galay ka dib markii ay lix bilood baranayeen waxbarasho la xiriirta xirfadaha gaagaaban ee farsamada gacanta.
Ardeydan oo ahaa 17 haween ah ayaa mid walba waxaa la gudoonsiiyay qalab ay ka mid yihiin makiinadaha dharka lagu tosho iyo qalabka qurxinta dumarka loo isticmaalo , Waxaana ka taageeray Iskuulka KAALO WOMEN CENTER barnaamijkan hay,adda World Vision.
Maxamed Khaliif Cawil oo ah maamulaha KAALLO WOMEN CENTER ayaa kula taliyay haweenka dhamaystay xirfada ee la gudoonsiiyay qalabka inay samaystaan hal goob oo ay si wada jir ah uga faa,iideystaan wixii la baray iyo qalabka la siiyay.
Waxaa uu sheegay maamulka KAALO inay tahay dufcadii shanaad oo Iskuulka ka dhameeya waxbarasho la xiriirta xirfadda gacanta Islamarkaana la siiyo qalab loogu tala-galay inay ku shaqeystaan.
KAALO WOMEN CENTER ayaa ah xarun lagu barto xirfadaha gacanta , waxaana laga asaasay Garowe sanadkii 1994-tii .
Abshir Dhiirane
PUNTLAND POST
The post Iskuulka KAALO WOMEN oo 17 haween ah qalab ku gudoonsiiyay Garowe appeared first on Puntland Post.