Garowe (Puntland Post):- Madaxweynaha Dowlada Puntland Cabdiwali Maxamed Cali Gaas ayaa saaka ku dhagax dhigay magaalada Garowe xarun cusub oo ay yeelan doono Jaamacadda Bosaso University Faraceeda magaalada Garowe, waxaana ka qeyb galay munaasabadii lagu dhagax dhigayay masuuliyiin ka tirsan Jaamacada Bosaso, Wasiiro, iyo Ardeyda Jaamacadda wax ka barata.
Xarunta cusub ee Jaamacadda Bosaso University ku yeelanayso magaalada Garowe ayaa laga dhagax dhigay duleedka bari ee magaalada Garowe gaar ahaan agagaarka qabuuraha Shiikh Yaasiin.
Cabdirasaaq Axmed Faarax oo ku hadlaya magaca maamulka Jaamacada Bosaso University ayaa ka warbixiyay dadaalka Jaamacaddu wado, wuxuuna sheegey inuu dhismahani noqon doono mid casriya.
Wasiirka Wasaaradda Waxbarashada iyo Tacliinta Sare ee Puntland Dr Abshir Awyuusuf Ciise ayaa ku bogaadiyay maamulka Jaamacadda Bosaso University dadaalka ay ugu jiraan inay soo saaraan jiilal cusub oo dhinaca aqoonta.
Madaxweynaha Dowlada Puntland Cabdiwali Maxamed Cali Gaas oo dhagax dhigay xarunta cusub ee Jaamacadda Bosaso ku yeelanayso magaalada Garowe ayaa sheegay inuu u rajaynayo Jaamacadda iyo Maamulkeeda guul.
Abshir Dhiirane
PUNTLAND POST.
The post Jaamacadda Bosaso University oo xarun ka dhisanaysa Garowe appeared first on Puntland Post.