Puntland ayaa si kulul u beeniysay in wada-hadal ay kula jiraan Galmudug oo ku aadan sidii loo xalin lahaa dagaalada kusoo lab-laabtay Magaalada Gaalkacyo ee xarunta Gobolka Mudug.
Wasiirka Deegaanka Puntland Mudane Cali Cabdulaahi Warsame oo Warbaahinta la hadlay ayaa waxba kama jiraan ku tilmaamay in wada-hadal ay kula jiraan Galmudug si loo xaliyo dagaalada ihii dambe ka dhacayay Magaaladaas.
Sidoo kale Wasiirka Deegaanka Puntland Cali Cabdulaahi Warsame ayaa ugu baaqay dadkii shacabka ahaa ee ka barakacay Magaalada Gaalkacyo ee Gobolka Mudug in ay dib ugu soo laabtaan Guryahooda.
Madaxweynaha Galmudug C/kariin Xuseen Guulleed ayaa sheegay in Wasiiro ka kala Tirsan Maamulada Puntland iyo Galmudug in wada hadal ay ku yeelan doonaan magaalada Gaalkacyo ee Xarunta Gobolka Mudug.
Wada-hadalka ayuu ku sheegay Madaxweynaha Maamulka Galmudug C/kariin Xuseen Guulleed in loogu gol leeyahay sidii loo dhameyn lahaa colaada Ka jirta Magaalada Gaalkacyo ee Xarunta Mudug oo maalmihii dambe ay kuwada dagaalameen Ciidamo kala taabacsan maamulada Puntland iyo Galmudug.
Hoos ka dhageyso Codka
PUNTLAND POST
The post Puntland oo beenisay in ay wada hadal kula jirto Gal-Mudug appeared first on Puntland Post.