China: (pp)- Ra’iisul wasaare kuxigeenka ahna Wasiirka Wasaaradda Arrimaha Dibadda iyo Iskaashiga Caalamiga H.E. Fawzia Yusuf H. Adam iyo wafdi ay hogaamineyso ayaa u ambabaxay Magaalada Beijing ee Caasimadda China , kadib martiqaad rasmi ah oo dowladda Soomaaliya ay ka heshay dowladda China.
H.E. Fawzia Yusuf H. Adam ayaa waxaa socdaalkeeda ku wehlinaya Wasiiru dowlaha arrimaha gudaha iyo amniga qaranka Mahdi Maxamuud Cali,Wasiir kuxigeenka howlaha guud ,dib u dhiska,gaadiidka badda ,dekadaha iyo tamarta Nadiifa Maxamed Cismaan iyo Mas’uuliyiin kale, ayaa waxaa u qorsheysan inay la kulanto Mas’uuliyiin kala duwan oo ka tirsan dowladda China oo ay kala hadli doonto qaabkii loo xoojin lahaa iskaashiga iyo xiriirka wadaagga ah ee labada dal ka dhaxeeya .
Safarka Wasiirka arrimaha dibada ayaa la sheegay inuu khusayso sii xoojinta xiriirka u dhaxeeya Soomaaliya iyo China.
Waxaana sida la ogsoon yahay Xiriirka China iyo Soomaaliya dib u furay madaxweyihii hore ee DF ee Soomaaliya Allaha u naxariistee C/llaahi yuusuf Axmed, kaddib markii uu booqasho ku tegay dalka China , isla markaana u magacaabay Safiirkii ugu horeeyey Soomaaliya ee u fadhiya dalka China.
Puntlandpost.com