Dubai: (pp)- Madaxweynaha Puntland Dr. C/raxmaan Maxamed Faroole oo shuruud adag ku xiray shirka Bruxelles ayaa loo ogolaaday inuu ka mid noqdo masuuliyiinta ka hadlaysa shirka Bruxelles.
Faroole iyo Niel Wigan
Madaxweynaha Puntland oo Casuumada shirka Bruxelles loogu geeyey Billo kahor magaalada caasimada Puntland ee Garoowe ayaa waxaa arrinkaas ka xumaaday madaxda dowlada Federaalka ee Soomaaliya, kuwaas oo dacwado u gudbiyey midowga Yurub ayna kaga codsanayaan in madaxweynaha Puntland uu shirkaasi uusan ka mid noqon karin masuuliyiinta Soomaaliyeed ee halkaas ka hadlaysa.Madaxweynaha Puntland ayaa markii uu yimi Nairobi ka werhelay Dacwooyinka ay ka gudbiyeen Madaxda DF ee Soomaaliya, wuxuuna Madaxweyne Faroole waqtigaas wixii ka danbeeyey ku goodiyey inuusan shirkaas ka soo qayb galayn, haddii Puntland shirkaas ay ku metalayaan dowlad ku xadgudubtay dastuurkii dalka .
Dagaalka Siyaasadeed uu galay madaxweyne Xasan Sheekh waxay keentay in Madaxweynaha Puntland uu dhoolatuskiisa siyaasadeed banaanka soo dhigo, isagoo ku andacoonaya in Puntland masiirkeeda Siyaasadeed aan lagu xadgudbi karin , waqti dowladii ay Puntland soo dhistay ay ku xadgudubtay dastuurkii Federaalka ee Soomaaliya, isla markaana dowlada Jirtana ay wadanka ku celisay Dagaalo sokeeye oo dalka dib uga bilowday, .
Sikastaba, Shirka Bruxells ayaa madaxweynaha Puntland , wakiilo ka socda midowga Yurub oo kula kulmay Dubai ay ku wargeliyeen in Puntland ay qayb weyn ku leedahay shirka Bruxelles , Puntland ay shirkaas ajandaheeda ka sheegan doonto, maadaama DF ee Soomaaliya aysan wax awood ah iyo taageero toona ku lahayn dowlada goboleedka Puntland.
Puntland ayaa xiriirka Diblumaasiyeed u gashay DF ee Soomaaliya , kaddib markii La bedelay qaybo ka mid ah dastuurka Federaalka Soomaaliya, isla markaana dowlada dhexe ay musuq maasuqday Deeqihii Waxbarashada ee Ardayda Puntland ay ka heli jireen sanadkan aan ku jirno, Waxaa kaloo DF ee Soomaaliya ay is hor istaagtay maamulkii Jubbaland State, waqtigaas wixii ka danbeeyey Puntland waxay ku dhawaaqday in ay xiriirka u jartay DF ee Soomaaliya.
Puntlandpost.com