Garowe(pp) Ergayga gaarka ah ee QM u qaabilsan arrimaha Somalia Nichalos Kay iyo wafdi uu hoggaaminayo ayaa goor dhawayd soo gaaray magalada Garowe xarunta Dowladda Puntland.
Madaxa Xafiiska UNSOM ee Somalia Mr.Kay ayaa hadda shir kula qaadanaya xarunta madaxtooyadda madaxwaynaha Puntland Dr.Cabdiraxmaan Shiikh Maxamed Farole,iyadoona aan la ogayn socdaalkiisa Puntland maadama aan horay saxaafada loogu sii sheegin.
Sida ay noo sheegeen saraakiisha madaxooyadda labada masuul ayaa goor dhow saxaafada la hadli doona waxayna ka war bixin doonan waxyaabaha ay kulankooda kaga hadleen.
Waa socdaalkii saddexaad uu Kay ku yimaado magalada Garowe xarunta Dowladda Puntland,warar la helayo ayaa sheegaya inuu salka ku hayo imaatinkiisa Garowe khilaaf soo kala dhex galay Puntland iyo Hay’addaha UN-OCHA iyo UNICEF.
Wixii kusoo kordha kala soco Puntlandpost.com
Cali Cabdi Ducaale
Puntlandpost.com