Brussels, 05, Diseembar, 2013: Kusimaha Wasiirka Wasaarada Maaliyadda iyo Qorshaynta Xukuumadda Federaalka ah ee Soomaaliya Maxamuud Xassan Suleiman ayaa ku tilmaamay qaraxii maanta ka dhacay magaalada boosaaso mid ay soo agaasimeen argagaxisada Alshabaab.
Wasiirka ayaa sheegay in qaraxaas uu ahaa mid ay cadowtinimo ku dheehan tahay isla markaan aan laga gaarin u jeedkii laga lahaa. “Aad ayaan u camabaareynayaa kooxihii ka danbeeyey qaraxaas oo ay ku dhinteen dadka badani, waana mid aan laga gaarin u jeedkii laga lahaa,waxaana waxyeelo baaxad leh ka soo gaartay dad shacab ah oo qaarkood
ganacsiyo ku lahaa agagaarka halka uu qaruxu ka dhacay, iyo kuwo wadada marayey, waxaana soo abaabulay dhagar qabayaal u adeega cadowga Soomaaliyeed”
Wasiirka ayaa tacsi tiiraanyo leh u diraya dadkii ehelkooda iyo qaraabadoodu ay ku geeriyoodeen qaraxaas isagoona ilaahay uga baryey inuu u booga dhayo kuwii dhaawacyadu ka soo gaareen.
Abdi Jamac
Puntlandpost.com