Garowe(pp) Iyadoo lagu jiro howlgalkii ugu danbeeyay ee xiliga doorashada ayaa waxaa maanta amar adag uu kasoo baxay guddiga amniga ee xiliga doorashada,taasoo ku aadan inuusan jiri doonan dhaq-dhaqaaqa gaadiidka maalinta ay doorashadu dhacayso.
Taliyaha ciidanka difaaca ahna gudoomiyaha howlgalkan hoggaaminaya Gen.Siciid Maxamed Xirsi(Siciid Dheere) ayaa sheegay inay gudo galleen howlalka wajiga saddaxaad ee amniga,wuxuna sheegay maalinta ay doorashadu dhacayso inuu xiran yahay laamiga dheer ee xariiraya Gobaladda Puntland.
Wadooyinka waa wayn iyo kuwo yar yar ee magalada Garowe ayaa maantey waxaa lagu arkayay ciidan aad u faro badan,kuwaasoo baaritaano adag ku haya gaadiidka iyo dadka,waxana sidoo kale baaritaanadaan oo kale ay ka socdaan labada kaantarood ee magalada.
Gen.Siciid Dheere howlgalkii ugu danbeeyay
Cali Cabdi Ducaale
Puntlandpost.com
Xafiiska Garowe