Xarunta Guddoonka Waxbarashada Gobolka Nugaal Magaalda Garoowe ayaa maanta waxaa ka furmey Tababar 5 cisho socon doona ayna ka qeyb galayaan Maamulayaasha Dugsiyada Sarre ee Puntland ku yaal gaar ahaan Gobolada kala ah , Mudug, Nugaal, Sool iyo Ceyn.

Hoolka Kulanka

Tababarkan ayaa oo ku saabsan sidii iskuulada looga dhex sameyn lahaa tiro-koobka Waxbarashada, gaar ahaan qaabka tiro koob loogu sameyn lahaa Ardeyda, Macalimiinta, Agab-yada iyo qeybaha kale ee iskuulka ayaa waxaa qaban qaabadiisa iska kaashadey Hay,adda Carre International iyo Wasaarada Waxbarashada Puntland, waxaana maalgalinaysa Hay,adda EU.

Wasiir ku xigeenka Jamac

Wasiir ku xigeenka Wasaarada Waxbarashada Puntland Jaamac Yaasiin Jaamac oo kulanka furey ayaa sheegey in wasaaradu uga mahad celinayso deeq bixiyaasha shaqada ay la qabtaan , kuwaas oo uu sheegey inay muhiim tahay iskaashiga ku aadan sidii loo heli lahaa tiro koob sax ah oo ku saabsan waxbarashada Puntland.

Axmed Shiikh Carre International

Wakiil ka socdey hay,adda Carre International oo iska kulanka ka hadlay ayaa sheegey in ujeedadu ay la xiriirto Tayeynta Waxbarashada iyo Wadaagida xogta dhabtaa ee Iskuulada Puntland ka jirra, iyadoona midaasi ay laga faa,iidi doono sidii loo tayeyn lahaa xarunta Dhexe ee Wasaarada Waxbarashada iyo Iskuuladda.

Tababarkan mid noociisa oo kale ah ayaa iyana lagu qaban magaalada Bosaso , ayna ka qeyb galayaan maamulayaasha Dugsiyada sarre ee Puntland , kuwooda aan ku jirin Tababarka ka furmey Magaalada Garowe, waxana qabashadiisu ay kusoo beegmeysa xili dhamaan wasaaradu tababar noocan oo kale ah usoo xirmey 47 xubnood oo ahaa tababarayaal ka caawin doona xogta tiro koobka xogta Waxbarashada.

Nagala soo xiriir : Puntlandpost.pp@gmail.com

Puntlandpost.com
Garoowe.

Garoowe: (pp)- Wasiirka Beeraha iyo Taliyaha Ciidanka Asluubta Puntland ayaa maanta dhagax dhigey dhismaha beer loogu talo galey Xabsiga Cusub ee dhismihiisu ka soconayo Magaalada Garowe, iyadoona ay ka faa,iideysan doonaan wax soo saarka beertaasi Maxaabiista Xabsiga iyo Qeybaha Bulshada .

Wasiirka

Wasiirka Wasaarada Beeraha Puntland Eng Maxamud Xaaji Saalax oo ka hadley dhagax dhigii ayaa sheegey in beertani faa,iido weyn u yeelan doonto maxaabiista , islamarkaana ay rajeynayaan inay noqoto mid miraheeda ay gurtaan, iyadoona uu sheegey taas bedelkeeda inay kasoo dhagax dhigtey wasaaradiisu xabsiga ku yaal Magaalada Bosaso.

Taliyaha ciidanka Asluubta Puntland oo ka hadley dhagax dhigii beerta xabsiga ayaa sheegey in beertan ay qeyb ka tahay mashruuca dhismaha xabsiga oo ay fulineyso hay,adda UNPOS , iyadoona looga faa,iideyn doono maxaabiista iyo ciidanka Asluubta Puntland.

Cali Nuur

Taliye Cali Nuur waxa uu intaas raaciyey in shaqada beertan lagu tababari doono maxaabiista , kuwaas oo mustaqbalka ay kasoo bixi doonaan xirfad-layaal kala duwan oo noqon doona beeraley , wuxuuna sheegey in Puntland xabsi-yadeeda oo dhan ku rajo weyn yihiin ka hirgalinta mashaariicdan oo kale, iyadoona maalintii shalay bosaso beer noocan oo kale ah xabsigeeda lagu dhax dhigey.

Saraakii ka socota Hay,adda UNPOS ayaa kasoo qeyb gashey dhagax dhigii Beerta, waxaana sidoo kale beertan la dhagax dhigey ay kusoo beegmeysa xilli uu gabo gabo ku dhow yahay dhismaha xabsiga cusub ee laga wado magaalada Garoowe.

Nagala soo : Puntlandpost.pp@gmail.com

Puntlandpost.com

Garoowe.

Garoowe: (pp)- Madaxweynaha Dowlada Federaalka ee Soomaaliya Xasan Shiikh Maxamud ayaa ilo lagu kalsoon yahay Puntlandpost u xaqiijiyeen in uu maalinimada Berito ah imaanayo Magaalada Garowe ee Caasimada Dowlada Puntland.

Sarkaal ka tirsan Madaxtooyada Villa Soomaaliya ee Muqdisho ayaa Puntlandpost u xaqiijiyey in waftiga Madaxweynaha ay ka kooban yihiin 4 Xillibaan oo kasoo jeeda Puntland, balse magac-yadooda aanu helin,Labo wasiir oo mid yahay wasiirka Maaliyadda, Suxufiyiin ka badan 5 oo ka howl-gala warbaahinta Dowlada iyo kuwa Madaxa banaan ee Muqdisho ku yaal.

Ujeedada Safarka Madaxweyne Xasan Shiikh Maxamud ee Puntland ku imaanayo ayaan la ogeyn waxa uu la xiriiro, balse warar soo baxaya ayaasheegaya in uu Madaxweynaha Puntland Dr C/raxmaan Shiikh Maxamed ay ka wada hadli doonaan is wareysi ku aadan xaalada Soomaaliya iyo u diyaar garowga shirka London oo labadoodu-ba ay ka qeyb gali doonaan.

Puntlandpost wali ma helin xog ku saabsan inta ay qaadaneyso booqashada Madaxweynaha ee Garowe, walow ay jiraan warar sheegaya in uu labo cisho sii joogi doono.

Marka loo eego Dadweynaha Magaalada Garoowe caawa kama ay muuqato u diyaar garow ku aadan soo dhaweynta Madaxweynaha, taas oo sida dadka badankiis qabo ku timid saluuga Mujtamaca Somalida qeybo badan oo ka mid ah ay ka muujinayaan, halka uu ka taagan yahay Arrimaha Federaalka , Dhisitaanka Jubballand, iyo Heshiiskii Ankara ee dhawaan.

09 March waxaa safar ku yimid Puntland Ra,iisal Wasaaraha DF Cabdi Faarax Shirdoon, wuxuuna Garowe ku saxiixey heshiis dhinacyo badan ka kooban oo saldhigiisu ahaa ku wada shaqeynta hanaanka Federaalka,lamana oga waxay kusoo kordhineyso heshiiskani safarka Madaxweyne Xasan Shiikh Maxamud ee Puntland.

Wixii Faahfaahin ah Safarka Madaxweynaha Federaalka ee Garowe iyo Kulamada uu la yeelan doono Madaxda Puntland hadii alle idmo kala soco Shabakada Wararka ee Puntlandpost.com

Nagala soo xiriir : Puntlandpost.pp@gmai.com

Puntlandpost_Garoowe.

Kismaayo: (pp)-  Shir uga socday qaar ka mid ah Oday dhaqameedka deegaanada Jubbooyinka iyo Gedo ayaa lagu soo gaba-gabeeyey garoonka diyaaradaha ee magaalada Kismaayo, iyadoo halkaas Oday dhaqameedku ay ku taageereen dhismaha maamul u samaynta deegaanada Jubbooyinka iyo Gedo.

Daawo Video-ga

Puntlandpost, Kismaayo, Jubbaland

Kismaayo: (pp)- Raiisal wasaarihii hore ee DF ee Soomaaliya Dr. Cumar C/rashiid Cali Sharmaake oo ka hadlay magaalada Kismaayo ayaa sheegay in go’aanada ka soo baxa shirka maamulka loogu samaynayo Jubbaland iyo Gedo ay noqon doonaan qodobo waa faqsan  sharciga federaalka u degsan.

Daawo Video-ga

Dr. Cumar C/rashiid , Raiisal wasaarihoo hore ee DF ee Soomaaliya

Raiisal wasaarahii hore ee DF ee Soomaaliya ayaa ugu baaqay in dowlada Federaalka ee Soomaaliya ay taageeraan waxa ka soo baxa shirka maamul u samaynta jubbooyinka iyo Gedo , maadaama loo maray qodobo waafaqsan Sharciga federaalka ee Soomaaliya u yaala ayna buuxiyeen shuruudahaas.

Cumar C/rashiid ayaa ka mid ah siyaasiyiinta safka hore uga jira in dhidibada loo taago  maaulka Jubbaland State , isagoo wax badana ka og sharciga ay ku dhisan tahay DF ee Soomaaliya , isla matrkaasna ka soo noqday Raiisal wasaare.

Puntlandpost,Kismaayo, Jubbaland

Waxaa Sida aan wararka kusoo xiganayno, mardhow  ka degaya Magaalada Caasimada  ee Garowe Madaxweynaha DF ee Soomaaliya Xasan Sheekh Maxamuud, isaga oo ay la socdaan rag ka tirsan madaxtooyada iyo Wasiiro ka titsan dowladiisa uu ka mid yahay wasiirka maaliyada DF ee Soomaaliya.

Safarka madaxweynaha ayaa lagu sheegay in uu Puntland u tegayo sababa la xiriira shirka London iyo arrimaha Jubbooyinka oo ay Puntland ka taagan tahay mowqif adag in dhidibada loo taago, si Soomaaliya looga saaro dhibaatooyinkii ay ku jirtay 22-kii sano ee la soo dhaafay.

Dadka Puntland ayaa aaminsan in tegitaanka Xasan Sheekh ee Puntland- Garoowe  ay keentay kaddib markii uu lumiyey miisaankii uu ku lahaa shacabka Soomaaliyeed oo ay ugu muhiimsan yihiin shacabka Puntland oo 10o%  taageersanaa dowlada federaalka ee Soomaaliya.

Waxaa la isleeyahay  Safarka Xasan Sheekh in uu uga gol-leeyahay sidii uu Puntland uu ku heli sumcad wanaaagsan, si caalamka uu u tusiyo inuu furay Weji hor leh uuna la furay Puntland oo ah maamulka kaliya oo Federaalka u dhisan , isla markaana sanad iyo bar dabada kasoo riixaysay Dhismihii iyo dhalashada dowlada uu hada garwadeenka ka yahay Xasan.

Sidaas haday wax ahaayeen,  dad badan oo Puntland ku sugan ayaa ku waaninaya dowlada Puntland in aan lagu qatalin Imaanshaha Xasan Sheekh ee magaalada Garoowe, loogase baahan yahay Puntland in  Miiska usoo saarto Xasan Sheekh waxyaalihii uu khalday oo ay ka mid yihiin hareer makii sharcigii federaalka, kasoo horjeedka dowladiisa dhismaga Jubbooyinka iyo Statementiyada laga soo saaro Villa soomaaliya uu ku daabacan Dekrootooyin  aan ku dhignayn ama aan muujinayn inay ka soo baxayso Xafiis Madaxtooyo oo Dowlad Federaal ah.

Shirka Garoowe uga furmaya Xasan Sheekh iyo Puntland , waxaa dowlada Puntland iyo Madweynaheeda looga fadhiyaa la xisaabtan qoto dheer oo dib loogu saxayo Khaldaadka baaxada leh ee Xasan Sheekh , maadaama uu ku wareersan yahay Fahanka dowladnimada, taas oo ay ugu wacan tahay isagoo aan khibrad siyaasadeed aan lahayn , sidaasna uu ku qabtay Kursigii ugu sareeyey dowlada Federaalka ee Soomaaliya.

Madaxweynaha Puntland iyo dowlada uu garwardeenka ka yahay waa inay la galaan Xasan Sheekh gor-gortan adag, oo lagu badbaadinayo Soomaaliya.

Puntlandpost, Garoowe, Puntland

Garoowe: (pp)- Wafti uu hogaaminayo Madaxweynaha Dowlada Federaalka Soomaaliya ayaa maanta soo gaarey magaalada Garoowe ee xarunta Dowlada Puntland, iyadoona looga sameeyey soo dhaweyn balaaran oo ay ka qeyb galeen Madaxda Puntland, Cutubyo ka tirsan ciidanka Puntland iyo Qeybaha Bulshada .

Madaxweyne Xasan Shiikh ayaa safarkiisa waxaa ku wehliyey xubno wasiiro ah oo ka tirsan Xukuumada Somalia, Koox wariyaal ah oo ka shaqeeya idaacadaha Madaxa banaan iyo Warbaahinta Dowlada.

Madaxweyne Xasan Shiikh Maxamud iyo Madaxweyne Faroole ayaa saxaafada la hadley ka dib markii ay masuuliyiinta loo soo galbiyey xarunta Madaxtooyada Garowe.

Dhanka kale waxaa jirra cabasho xoogan oo ka timid Saxafiyiinta Puntland oo sheegey in ay la kulmeen xilligii soo dhaweynta lagu guddo jirrey jirdil loo geystey qeybtood , halka qalab ay siteena ay burburiyeen ciidamo ka tirsan ilaalada Madaxtooyada Puntland.

Puntlandpost waxay ka mid ahayd warbaahinta suxufiyiinteeda qalabka laga burburiyey ay ku qaadanayeen sawirada , waxaana ka cududaaraneynaa sawiradii aanu idinku talo galney in aanu idin soo gaarsiin oo dib ay u dhaceen sababo la xiriira qalabka oo waxyeelo naga soo gaartey, balse waxaanu jecelnahay saacadaha soo socda in aanu idin soo gudbin doono.

Sidoo kale Akhristayaasha-yada waxaanu jecel nahay in aanu caawa idin soo gudbino warbixino iyo sawiro ku saabsan kulamadii ugu danbeeyey ee madaxda iyo casho sharaf caawa lagu wado inay lagu qabto xarunta madaxtooyada Garowe.

Puntlandpost.com
Garoowe.

By Abdiqudus Donyale

I have lived in Minneapolis since I was 7 years old, and for the first time in my life I have never felt more at home despite owning a housing property and the fact that my kids were all born in Minneapolis. There was always this inherent thought in the back of my mind, which prescribed me to a pre-destined utopia (Somalia) that was compatible with my identity. So I developed a distant relationship to a place, of which my only contact had been a deep sense of love and imagination.

Musharax Cabdi Warsame

This relationship of joy and sorrow had prompted me to take action in the past several years. I had co-founded a public radio in the Northeastern Somali region of Sanaag (Somali Public Radio). I felt as if it was my duty to try to impact the desperation and the disorder of the powerless, but part of me was in search for a sense of belonging and a place to call home.

For the first time in 18 years, the familiar colorful high-rises in Cedar Riverside and the Philips Community Center (former Boys & Girls Club) where I’ve had my first swimming lessons as a child felt like home.

I participated in the campaign efforts of the City of Minneapolis’ municipal elections, which had witnessed a new milestone of huge voter turnouts in Ward 6 since the last national election. The voter turnouts marked the growing diversity of the city, according to the Star Tribune. On Saturday, April 27th, The Democratic-Farmer-Labor Party’s (DFL) Ward Convention endorsed Abdi Warsame, the state’s first DFL-endorsed candidate of East African descent.

Warsame, a young community activist, took on incumbent Robert Lillegren and won the DFL endorsement. The news brought on much excitement to the East African community in Minneapolis. Both local and international media outlets arrived at the campaign headquarter packed with a crowd of some 200 well-wishers including friends, families and community organizers.

“The impossibility has turned to a possibility,” Warsame told the crowd in Cedar Riverside neighborhood after a young girl in bright Hijab presented the U.S flag for the pledge of allegiance and a local teenager sang the national anthem.

Candidate’s Background

Abdi Warsame is a community leader and nonprofit organization Director in Minneapolis. Warsame played a key role in the re-districting process, which created the new Ward 6. Mr. Warsame was born in Somalia and grew up in the United Kingdom where he had studied and attained a BSc in Business and a Master’s Degree in International Business. He moved to Minneapolis in 2006, shortly landing a job in the financial sector.

“From the outset, I was mesmerized by the sheer beauty of the city and warmth of its people,” Mr. Warsame told residents of Seward neighborhood, reflecting on his first encounter with the twin cities.

He is currently the Board Chair of the Cedar Riverside- Neighborhood Revitalization Program (CR-NRP) as well as the Executive Director of the Riverside Plaza Tenants Association (RPTA). “My transition into the non-profit world stems from my passion to working for my community and impacting ordinary people’s lives,” stated Mr. Warsame at a community meeting in Cedar Riverside.

Changing the Political Map

A city redistricting map proposal was submitted to the Minneapolis Charter Commission on January of 2012 by Citizens Committee for Fair Redistricting, a group representing East Africans. The group was seeking a political map that was reflective of Minneapolis’s growing diversity. “If there was proportional representation on the Minneapolis City Council, five of the 13 wards would be represented by people from the minority population,” said Abdi Warsame who signed the proposal letter on behalf of the Citizens
Committee

Mr. Warsame was the founder and a spokesperson for the Citizen’s Committee for Fair Redistricting, which took part in the redistricting process that aimed to create a more equitable and representative political map of Minneapolis, which would in turn create better opportunities for all residents of the City. The Citizen’s Committee lobbying was a historic success and today’s current map of the City including Wards 6 and 9 are a testament to their hard work.

Campaign Highlights

The movement surpasses a specific agenda or a political platform. Its core proposition is not only to break barriers and change perceptions but also to lead to *natural growth* of a common goodwill—collective perception and understanding of local issues and options for improvement.

“This campaign is about transforming our community from isolation into awareness and active participation,” says Mohamed Jama, founder of the Cedar Riverside Youth Council and a campaign organizer.

There was an extraordinary show of support and energy as early as a year away from the DFL caucus night. Volunteers went hard at work pounding the pavement, hosting neighborhood forums and phone banking for Abdi Warsame’s DFL endorsement efforts.

This is a grand movement with multiple themes and layers. “To me it’s about my kids and creating a success story for them,” says Deqa Aden, a campaign volunteer.

And so to me it’s as interior, intimate effort on my part, to understand this movement and to find my place in it, which converges to a broader communal dialogue, a dialogue in which I am professionally engaged in, one that will shape our lives and the lives of our children for many years to
come.

The Historic DFL Endorsement

Hundreds of delegates gathered in Ward 6 convention at Saint Mary’s University on Saturday April 27th, 2013. History was made as delegates elected the first East African for DFL endorsement with an overwhelming majority. The crowd erupted in cheers and waved American flags when Abdi Warsame stepped up to the podium to address the delegates. He touched on his platform in a summarized speech and drew inspiration from quoting the great Irish thinker George Bernard Shaw who said*“You** see things; and you say “Why?” But I dream things that never were; and I say “Why not?”*

Despite what this endorsement means, hundreds from diverse communities came together, embracing the candidate’s unique life experience. It served them as a source of inspiration and as a tool to bridge communities.

Abdulqudus N. Salah (Donyale)
Abdulqudus N. Donyale is a co-founder of Somali Public Radio and a campaign organizer for Abdi Warsame

Garoowe: (pp)-  Magaalada Caasimada Puntland ee Garoowe ayaa waxaa ka socda Shirar uga furmay dowlada federaalka iyo Puntland, waxaana lagu soo waramayaa in shirkaasi uu si fiican uga socdo Xarrunta madaxtooyada Puntland ee Garoowe.

Warar sugan oo soo gaaraya Warbaahiyaha Puntlandpost ayaa sheegaya in Puntland ay dowlada Federaalka hordhigtay qodobo dastuurka ka mid ah oo lagu tuntay ayna wax ka bedeleen baarlamaanka Federaalka Soomaaliya , iyagoo aan awood sharci ah u haysan.

Dowlada Puntland ayaa madaxweynaha Federaalka uga dacwootay sida dowlada uu hormuudka ka yahay loogu tuntay wixii  ay soomaali ku heshiisay , arrinkaas oo uu ka gaarabay sida la sheegayo madaxweynaha DF ee Soomaaliya.

Waxyaalaha ay Puntland banaanka soo dhigtay ee lagu tuntay sharciga federaalka ee Soomaaliya ayaa waxaa ka mid ah in labada aqal ee DF ee Soomaaliya ay qaabayn doonaan Magaalada caasimada u noqonaysa Dalka Soomaaliya, waxaana looga fadhiyey dowlada federaalka ee Soomaaliya inay Aqalka Odayaasha marka la dhiso  iyo baarlamaanka Soomaaliya ay dejiyaan qaabka iyo Meesha noqonaysa Caasimada Soomaaliya iyo qaabka iyo xeerarka ay yeelanayso, sharcigaas oo ay ku tumatay DF ee Soomaaliya.

Dowlada Federaalka ayaa ka garaabtay meelaha looga tuntay Axdiga Federaaalka ee Soomaaliya, waxaase Muuqda is fahan wanaagsan iyo isu garaab labada dhinac ah, waxayna Madaxweynaha iyo wafdiga la socda ay shaaca ka qaadeen in waxa khaldan la isla saxayo , iyadoo aan loo adeegsan doonin gacan shisheeye.

Sikastaba , doodaha siyaasadeed ee u dhaxeeya labada dhinac ayaan illaa hadda laga sheegin wax isfahan darro ah , iyadoo arrinka Cabashada inta badan ay ka imaanayso Puntland oo banaanka soo dhigtay qodobo dastuurkii lagu heshiiyey oo lagu tuntay, waxaana dhanka dowlada la sheegayaa in dhaqaalaha dalka iyo habka loo wadaagayo ay waxayaalaha laga hadlaayo ku jiraan, Shirka London,  iyo sidii loo dadejin lahaa maamulada federaalka ee dalku yeelanayo.

Wixii warar ah oo danbe kala soco Puntlandpost.com

Garoowe: (pp)-  Dowlada Puntland iyo  Wafdi uu hogaaminayey Madaxweynaha DF ee Soomaaliya oo shir Albaabada u xirnaayeen  uga socday Caasimada Puntland ee Garoowe ayaa  aakhirkiisii uu kusoo dhammaaday is af-garan waa, waxaana la sheegayaa in shirka Jubbooyinka  ka socda iyo Shirka London ay noqdeen qodobada la isku mari waayey, laakiin arrimo badan oo khuseeyey sharciga Federaalka oo meelo badan looga tuntay la isku fahmay.

Madaxweynaha Puntland iyo wasiiradiisa ayaa ku soo jeediyey in ajandaha shirka London hadafka laga leeyahay la wadaago, halka dowlada ay ku doodayso inay Ajandaheeda ay iyadu afka iyo Lugaha ku wadato, arrinkaas oo ay Puntland ku gacan sayrtay.

Jubbooyinka ayaa ka mid ah qodobka kale ee Xasaasiga ah , iyadoo dowladu ay qabto inay u magacowdo Maamul kumeel-gaar ah , arrinkaas oo ay Puntland ku tilmaantay kutumasho tastuurkii dalka , ayna sharci u haysan dowlada Federaalka ee Soomaaliya inay magacowdo Maamul ay iyadu keensatay.

Dowlada Puntland ayaa ku dooday in aan la garab mari karin xuquuqda shacabka Jubbooyinka oo dastuurku u ogolaanayo inay maamulkooda dhistaan.

Wararkaan oo fah-faahsan kala soco Puntlandpost.com

Garoowe: (pp)- Waxaa Magaalada Garowe kusoo gabo gaboobey kulamo u dhexeeyey Dowlada Federaalka Somalia iyo Puntland, iyadoona laga soo saarey qodobo labada dhinac ay isku afgarteen.

Shirka Jaraa,iid Ee Madaxwaynayaasha

Madaxweynaha Dowlada Federaalka Somalia iyo Madaxweynaha Puntland ayaa ka dib markii soo dhamaadeen kulamadu si wada jir ah u qabtey shir saxaafadeed ay kaga hadlayaan qodobada kasoo baxay kulankoodii.

Madaxweynaha Dowlada Puntland Dr C/raxmaan Shiikh Maxamed oo ka warbixiyey qodobadii ay isku afgarteen ayaa  sheegey inay ka mid yihiin sidan.

In dib u heshiisiinta Soomaaliyeed loo maro wada hadalka Socda.

In la sameeyo Guddi Farsamo oo ay ku wada jiraan Puntland iyo Dowlada Federaalka oo ka shaqeeya Nabad-galyada iyo Mideynta Ciidamada Soomaaliyeed.

In la Ayido Heshiis-yadii horey u dhexmarey Puntland iyo Waftigii Ra,iisal wasaaraha ee Puntland yimid, kuwaas oo lagu sii socodsiinayo sidii horey loogu heshiiyey xag Amni iyo xag dhaqaale.

Labada Madaxweyne

Madaxweynaha Puntland C/raxmaan Shiikh Maxamed waxa uu sheegey in wali ay jiraan qodobo aan la isku afgaran kuwaas oo ay ka mid yihiin sida uu Madaxweynuhu sheegey Wadada loo marayo dhisitaanka Maamul Goboleed-yada oo ah kuwo ilaa iyo hadda lagu kala aragti duwan yahay.

Madaxweyne Faroole waxa uu sheegey inay jirto khiyaano lagu sameeyey Dastuurka qaar ka mid ah qodobadiisa,oo lagu soo darey qodobo aan ku jirin wixii lagu heshiiyey ee dastuurka rasmiga ku qornaa, taasna ay ka wada hadleen Madaxweynaha Federalka iyo Waftigiisa , ayna waajib ka saaran tahay DF ilaalinta sharciga wadanka.

Dhanka kale Madaxweynaha Dowlada Federaalka Somalia oo isna ka hadlay shir saxaafadeedka ayaa  sheegey in uu dhawaan jirro doono barnaamij lagu dhaqan galinayo qodobadaasi lagu heshiiyey laguna xaqiijinayo hirgalintooda.

Goobta Shirka Jaraa,iid

Madaxweyne Xasan Shiikh Waxa uu sheegey inay u kuurgali doonaan waxa ka jirra qodobada ama meelaha ay wax ka tilmaamtey Dowlada Puntland ee la sheegey in laga khaldey Dastuurka, isagoona sheegey in Dowlada Somalia gacanta ku hayso uu yahay sida uu u maleynayo midkii lagu heshiiyey ee la ansixiyey.

Dhismaha Maamul Goboleed-yada ayuu sheegey Madaxweyne Xasan Shiikh inay tahay mid dastuuriya, balse u baahan tahay in laga sheekeysto,islamarkaana la iska arko farsamada lagu dhisi karo.

Wuxuuna carabka ku dhuftey inay dhici karto farsamadii dhowr bilood ka hor lagu dhaqaaqey oo inaan maanta sax noqon karin, sidaasna ay ugu baahan tahay in kulamo kale la isaga yimaado .

Xasan Shiikh Maxamud waxa uu sheegey in siyaasada dhismaha maamul goboleedyadu ay ku imaanayso wada tashi iyo wada xaajood,balse aysan ku imaan karin Dagaal,Colaad iyo Qori midna.

Gabo gabadii ayuu sheegey Madaxweyne Xasan shiikh in uu si weyn uga mahad celinayo soo dhaweyntii loogu sameeyey Magaalada Garoowe, isagoona sheegey inaysan maanta oo kaliya noqoneyn imaanshiyahooda.

Wuxuuna sheegey in dhanka kale uu rajeynayo Booqasho iyo Safaro Madaxda Puntland ugu tagaan Magaalada Muqdisho, ayna sidaasi kusii socon doonaan wada hadalada iyo wada shaqeynta labada dhinac.

Puntlandpost.com

Garoowe.

Garoowe: (pp)- Dowlada Puntland ayaa qaadacdey ka qeyb galka Shirka London lagu wado in uu ka furmo 7 May ka dib markii guul daro uu kusoo dhamaadey wada hadal Puntland iyo DF ku dhex marayey Magaalada Garowe.

Afhayeenka Dowlada Puntland Axmed Cumar Libaax (Joore) oo warbaahintu wax ka weydiisey diidmada Puntland ee ku saabsan shirka London ayaa sheegey inay ku timid ka dib markii Madaxweynaha Federaalku sheegey in Puntland qeyb ka noqon doonto Waftida Dowladiisa uga qeyb galaya shirka London.

“Annagu waxaan aamin-sanahay in aanu nahay Dowlad jirta oo Madax banaan oo Federaal ah ,xiriro toos ahna la leh Beesha Caalamka,Islamarkaana xaq u leh inay ka hadasho Maamulkeeda iyo Ajandayaasheeda ” ayuu yiri Libaax joore.

Libaax joore waxa uu sheegey in Dowlada Puntland xalka shirkaasi uga qeyb galeyso ay u aragto marka caasumaad toos ah ay ka hesho Dowlada Ingiriiska, Balse hadda mowqifkeedu uu yahay inaysan qeyb ka noqon Waftiga Muqdisho ee Xasan Shiikh Hogaaminayo.

Axmed Cumar Libaax Joore Afhayeenka Puntland waxa uu intaas ku darey inay u cubtami weysay Caasumaad uu usoo gudbiyey Madaxweynaha Dowlada Federalka Xasan Shiikh Puntland midaas oo uu ku sifeeyey mid u muuqatey inuu ku inkirayo jiritaanka dowladnimo ee Puntland.

Dhanka kale ilo xogogaal ah oo la hadley Puntlandpost ayaa u xaqiijiyey in diidmada Puntland ee Shirka London ay ku timid ka dib markii Madaxweyne Xasan Shiikh uu u sheegey Madaxweynaha Puntland in shirkaas saddex qof DF  ugu casuntey Puntland, midaas oo kaliftey in khilaafku cirka isku shareero ayna sidaas ku qaadacdo Puntland.

Horey waxaa shirka lagu wado in uu ka furmo London ee loo qabanayo dhinacyada Somalida u diidey ka qeyb galitaankiisa Maamulka Somaliland, iyadoona diidmada Puntland ee iminka ay noqoneyso mid fashil ku keeni karta , hadii aanan wax iska bedelin ajandaha lagu casumey ka qeyb galayaasha shirka oo Dowlada Ingiriisku usoo marsiisey DF oo iyana la sheegey inay si khaldan u maamushey Caasumaada.

Puntlandpost.com
Garoowe.

Marka jawaabta su,aashan loo eego waxay noqon kartaa sidii horey-ba loo filayey oo uu shirku kusoo dhamaadey sida ay qabaan dad badan oo falanqeeya arrimaha siyaasada Gobolka, iyada oo laga eegayo Aragtiyada u dhexeeya labada dhinac oo ah Kaaf iyo Kala dheeri.

Ka hor intii labada dhinac shirarku aysan u bilaabmin hadal haynta jirtey waxaa lagu gorfeynayay qodobada suurto galnimadaa ee la isla fahmi karo iyo kuwa lagu kala aragti duwanaanayo ilaa inta laga helayo xal rasmiya oo wax ka bedela mowqif-yada labada dhinac arrimaha Somalia ka kala taagan yihiin.

Shirka Garowe ugu soo dhamaadey DF iyo Puntland sida ka muuqatey ma ahayn mid guul laga gaarey qodobadii ugu muhiimsanaa ee la xiriirey,Hanaanka Federalism-ka, Shirka London , Wax ka bedelkii Dastuurka lagu sameeyey iyo Siyaasada beesha caalamka loola macaamilayo.

Puntland iyo Mowqifkeeda.

Marka dhinac laga eego Siyaasada Puntland ay ku dooneyso waa mid ay ku saxan tahay sababtoo ah, Madaxweyne Faroole wuxuu istaagey mowqif Federalism oo ah midka uu u dhigayo Dastuurka Wadanka, taasi noqoneysa in wadanku yeesho Awoodo Dowlado xubno ka ah Dowlada Federalka, lana sameeyo hirgalintooda ka hor inta aan wadanka doorasho dadweyne loogu dareerin.

Waxaa jirta Mowqif-yo cusub oo Puntland meel ka istaagtey kuwaas oo kasoo baxay shirkii labada dhinac dhex marey, ayna ka mid yihiin Qodobo Bedel lagu sameeyey oo Dastuurka ku qornaa, ka qeyb galka shirka London, waxayna labadasi arrimood noqonayaan kuwo hor leh oo kusoo kordha qodobkii horey la isugu diidanaa ee kala fogeeyey cilaaqaadkooda siyaasadeed DF iyo Puntland .

Dowlada Federalka iyo Xasan Shiikh Mowqifkiisa.

Dowlada Federaalku waa mid ay ku jiraan goloyaasheeda xubno iyaga ruuxoodu aragtiyo kala duwan ka qaba qodobada hadda hirgalintooda Madaxweynaha DF Somalia iyo Xukumada Saacid walaac ka muujinayaan, waxaana jira xubno siyaasada miisaan ku leh oo ku jira baarlamanka oo ka aragti duwan sida ay u abaarayaan Ragga Xubnaha ee kula jirra Dowlada una badan Xukuumada Somalia.

Madaxweyne Xasan Shiikh waxa uu inta badan ku cel celiyaa ereyga Federaal oo uu hal ku dhig uga dhigto maahmaahda oraneysa “Geedkii roor lagu koraa, Sahal loogama soo dego” Oraahdan ma aysan jeclaysan dad badan , maxaa yeelay waxay muujineysaa Madaxweynuhu in uu xilligan u diyaarineyn dalka hirgalinta Dhismaha Dowlado xubno ka noqda Dowlada Federaalka.

Marka laga soo tago Ra,iga Madaxweynuhu ka qabo Hanaanka ku dhaqanka Federal ayaa haddana imaanyihiisii Garowe ay ahayd cashar cusub oo uu kala tagey Siyaasada iyo Mowqif adeega Xukuumada Dr C/raxmaan Faroole.

Sidee bay uga hadashey Warbaahinta Caalamku ka hor intii shirku soo xirmin.

Wakaaladaha Caalamka iyo Jariiradaha Dunida ayaa siyaabo kala duwan uga hadley tagistii Madaxweyne Xasan Shiikh ee Garowe, waxaana sida Jariirada Aljazeera oo ka mid ah warbaahinta dunida ugu xoog badan qortey ku sheegtey maqaalkeeda in Xasan Shiikh arinta ugu muhiimsan ee Garowe u yimid la xiriirtey sidii Puntland uu ugu qanci lahaa inay kala qeyb gasho shirka London.

Jariirada oo la hadashey xubno ka mid ah aqoonyahanada ayaa sheegtey in hadii qodobkaasi fashil kaga yimaado suurto galin karto mugti hor leh oo ay galiso Siyaasada Madaxweyne Xasan Shiikh ee Somalia, Waxaana ka mid ahaa xubnaha Aljazeera la hadashey Zakariye Isticmaar.

Halkan ka daalaco warka Aljazeera qeybteeda carabigu kaga hadashey shirkii Garowe uga socdey Madaxweynaha Dowlada Federalka Somalia iyo Madaxweynaha Puntland, kuna dhufo si aad u hesho qoraalka ciwaanka http://www.aljazeera.net/news/pages/97b87573-8b64-41ec-83c3-9ead4df62e55

Puntlandpost.com

Nagala soo xiriir : Puntlandpost.pp@gmail.com

Bosaso: (pp)- Magaalada Bosaso ayaa maanta waxaa ka dhacdey dil toogasho ah kaas oo lagu fuliyey 13 qof oo lagu xukumey in ay tirsanaayeen al-Shabaab, isla markaana dilal kala duwan loo haystey inay ka fuliyeen Deegaanada Puntland.

13 qof ee manata dilka lagu fuliyay ayaa 3 ka mid ah ay ahaayeen kuwo loo haystey inay ka qeyb qaateen dilkii Dr.Axmed Cabdiraxmaan oo 5/12/2011 lagu diley magaalada Bosaso, waxaana ka mid ahayd Gabadh lagu magacaabo Ruqiyo Xassan Maxamed Yusuf.

Maxkamada ayaa dadkan 27 Feberaayo 2013 ku xukuntey dil , iyadoona racfaan ay qeybtood qaateen wax cadeymo ah la imaan waayeen sida uu sheegey xeer ilaaliyuhu, ayna ku cadaatey kiisaska horey loogu xukumey , iyadoo uu sheegey Firdhiye inay qeybtood dadkan qiraal ka ahaayeen kiisaskii loo haystey.

Cabdikariin Xasan Firdhiye xeer ilaaliyaha guud ee Puntland ayaa Puntlandpost u sheegay in uu jiro askari ka tirsanaa ciidamadii dilka fulinayey uu goobta ku geeriyooday, kadib markii ay ku dhacdey xabadiihii lagu ridaayey dhalinyarada dilka lagu xukumey, inkastoo uu ka gaabsaday xeer ilaaliyaha in uu faahfaahiyo ka bixiyo sida uu askariga ay xabadda ugu dhacdey iyo magaciisa.

Askarta toogashada fulisey ayaa la sheegay in ay ahaayeen saddex saf oo kala danbeeya, kuwo dhulka dhabacan, kuwo jilibka laabtey iyo kuwo taagan, waxaana la filayaa in askarta taagan rasaastoodi ay haleeshay mid ka mid ah askarta Jilibka dhigtey.

Waxaa weli Xabsiyada Puntland ku jira dhalinyaro badan oo ku eedaysan falal dil ah in ay ka fuliyeen Puntland iyaga oo amarka ka soo qaatey al-Shabaab, waxaana badankood lagu xukumey dil tyoogasho ah.

Nagala soo xiriir : Puntlandpost.pp@gmail.com
Puntlandpost.com
Bosaso

Garoowe : (pp)- Wariyaal ka socda warbaahinta Puntland oo labadii maalmood ee ugu danbeeyey shir ku lahaa xarunta Labrariga Garowe ayaa maanta gabo gabadii kulankooda kasoo saarey warsaxaafadeed ay ku cambaareynayaan dhacdo jirdil wariyaal loogu geystey dhawaan Madaxtooyada Garowe.

Wariyaasha hadley

Wariyaashan ayaa sheegey inay dareenkooda ku muujinayaan xad gudbyada ka dhanka ah suxufiyiinta ee kusoo laab laabta gudaha wadanka Somalia, kuwaas oo waxyeelo kasoo gaarto had iy o goor wariyaasha iyo qalabkooda.

Warsaxaafadeedka wariyaasha ayaa ku saabsanaa cambaareynta dhacdadii ugu danbeysay ee 28 bisha April lagula kacay wariyaal doonayey inay war ka duubtaan Madaxtooyada Magaalada Garoowe xilli shir jaraa,iid qaban lahaayeen Madaxweynayaasha Puntland iyo Somalia.

Warsaxaafadeedka wariyaasha ayay ku sheegeen inaysan jirin war celin ama jawaab arrintaas ku saabsan oo kasoo baxdey ilaa iyo hadda Dowlada Puntland kuna aadan falkaasi jawaabtiisa, inkastoo wararka Puntlandpost helayso ay sheegayan in Dowladu Guddi dhacdaasi u saartey.

War saxaafadeedka Suxufiyiinta Garowe ku kulmay ayaa lagaga soo saarey Qodobo talo soo jeedin ah oo ku socda Dowlada Puntland , waxayna u qornaayeen Qodobadu sidan :

1. In baaritaan iyo dabagal lagu sameeyo arrimaha tacadiyaadka warfidiyeennada lagula kaco, cidkasta oo ka dambaysana arrintaasina sharciga lagu qaado.

2. In la sameeyo hannaan cad oo ay ku wadashaqayn karaan wariyaasha iyo dawladda Puntland, markasta ay jirto shaqo, si ay meesha uga baxdo carqaladahaan soo noq-noqday.

3. In arrintaan dawladdu u xilsaarto u saarista guddi gaar ah oo ka shaqeeya sidii Isfahan wanaagsan oo wadashaqayneed ay u yeelan-lahaayeen warfidiyeennada Puntland iyo dawladdu.

4. In dawladdu warbaahinta madaxabannaan ku tixgaliso shaqooyinka muhiimka ah ee ay bulshada u yahaan, isla markaana ay ilaaliso xoriyada saxaafadda ee uu jideenayo Dastuurka Puntland qodobkiisa 22-aad.

5. Annagoo tixgalinayna daruufaha amni ee xilligaan jira, waxaan soo jeedinaynaa in askarta Puntland ay tixgaliyaan shaqada warbaahintu u hayaan shacabwaynaha Soomaaliyeed, xushmeeyaan kaarka aqoonsiga wariyaha, iyagoo gudanaya waajibaadkooda shaqo.

Puntlandpost.com
Garoowe.

Nagala soo xiriir : Puntlandpost.pp@gmail.com.

Dowlada ayaa maanta saxaafada u qeybisey qaar ka mid ah qodobada Dastuurka Soomaaliya ee Puntland sheegtey inay faro galin ku sameysay Dowlada Federalka ,iyadoona saxaafadda Puntland soo gaarsiisey qodobadan oo ahaa kuwo isugu jira kuwo wax laga bedelay ,kuwo Dastuurka lagu soo kordhiyey iyo kuwo laga saarey-ba.

Ka hor intii Madaxweynaha DF iyo Waftigiisu ka dhoofin magaalada Garoowe ayaa Puntland u gudbisey qodobadan , waxaana uu sheegey Madaxweyne Xasan Shiikh Maxamud in uusan waxba kala socon balse baaritaan ay ku sameyn doonaan.

Haddaba Puntlandpost waxay Akhristayaasheeda u sahleysa inay wax ka ogaadaan qodobadaasi muranka uu ka jirro, Hoos ka akhriso Qodobada wax laga bedelay.

1.QODOBka 9,aad, ee ka hadlaya Magaalo madaxda qaranka, waxaa lagu kordhiyey (magaalo madaxda jamhuuriyada soomaaliya waa mugdisho), halka nuqulkii lagu heshiiyey dhigayo,( maqaamka magaalo madaxda federaalka soomaalia waxaa go’aan laga gaari doonaa dib u eegista dastuurka).

2.QODOBka 26,aad, ee ka hadlaya hantida.Waxaa laga saaray faqrada sadexaad ee nuqulkii rasmiga, ahaa, taasoo u qoran sidan: 3. faqrada 1, iyo 2, ee qodobkan laguma dhaqayo arrimaha ku xusan qodobka 49,aad.

3.QODOBka 44,aad ee ka hadlaya dhulka, hantida iyo deegaanka. Ee nuqulkii rasmiga ahaa wuxuu ka koobnaa 6 faqradood, ama prograph, waxaa laga tirtiray faqrada 5,aad, oo u dhigan sidan: 5, kala qeexida awoodaha dawlada federaalka iyo dowladaha xubinta ka ah dowlad federaalka ee la xiriira maamulka iyo maaraynta waxay ku tilmaaman yihiin lifaaqa.

4.QODOBka 50,aad ee ka hadlaya, tirada iyo xuduudaha dowladaha xubinta ka ah dowlada federalka, faqradiisa 5,aad oo u dhigan sidan: 5, xuduudaha dowladaha xubinta ka ah dowlada federaalka waxay ku salaysnaan doonaan xuduudihii gobolada ee jiray 1990-kii, (waxaa loo bedelay 1991’kii).

5.QODOBka 55,aad ee nuqulka rasmiga kana hadlaya Kala qaybinta Awoodaha, waxaa lagu siyaadiyey ( oo ay awooddeeda iyo mas’uuliyaddeeda yeelaneyso xukuumada federaalka).

6.QODOBka, 69,aad. Nuqulka rasmiga ah ee dastuurka, kana hadlaya, Xeer-hoosaadka Golaha shacabka, faqradiisa 4,aad, waxay u qoran tahay sidan: 4. Mashruuc sharci oo Goluhu diiday dib looguma soo celin karo Golaha ilaa ay ka soo wareegto lix-bilood maalinta Goluhu diiday,(waxaa loo bedelay 30,maalmood).

7.QODOBka 72,aad ee ka hadlaya aqalka sare , waxaa laga saaray ama laga tirtiray faqrada u danbaysa xarafka (J), in ay gutaan waajibaadka kale ee dastuurku ku farad yeelayo si loo sugo in dastuurku si habsami ah u hirgalo.

8.QODOBka, 81,aad. Ee ka hadlaya curinta sharciyada, waxaa lagu siyaadiyey ama lagu daray faqrad cusub, oo aan horey ugu jirin nuqulka rasmiga ah ee dastuurka. Oo ka kooban A iyo B, una dhigan sidan: 2. Sharciyada qabyada ah waxaa Golaha sare e barlamaanka federaalka ah u soo bandhigi kara( A) ugu yaraan hal wakiil oo ka socda dowladaha xubinta ka ah federaalka ama (B) Guddi kasta oo ka mid ah aqalka sare ee baarlamaanka federaalka ah.

9.QODOBka, 82,aad, ee dastuurka kana hadlaya, Go’aamo siyaasadeed, faqradiisa 3,aad ayaa si kale loo siyaadiyey, sidii la isla ogaa nuqulka rasmiga ah waxay u qorayd sidan 3. In la helo qodob saamaxa iswaafajin iyo isu soo jiidka labada aqal, haddii aan wax heshiis ahi dhicin.) waxaa loo dhigay sidan 3) haddii labada aqal ee baarlamaanka federaalka ah uu dhex yimaado khilaaf ku saabsan sharci qabyo ah, mid kasta oo ka mid ah labada aqal ayaa Guddi wadajir ah oo ka kooban labada aqal ugu baaqi kara in uu isku dayo in uu xalliyo khilaafaadka iyo in uu labada aqal u soo jeediyo sharci qabyo ah, oo la is-waafajiyey iyada oo laga duulayo iskaashiga dowladaha ee ay dhigayaan qodobbada 51,aad iyo 52,aad.

10.QODOBka 91,aad. Ee ku saabsan, Muddada xil-haynta Madaxweynaha federaalka. Soomaalia
Madaxweynaha federaalku wuxuu xilka haynayaa muddo shan (5) sano, (waxaa loo bedelay 4,sano)
11.QODOB cusub (131 ah),Waxaa la soo geliyey qodob cusub oo (131) oo aan dastuurka nuqulka rasmiga ah hore ugu jirin kuna saabsan xaalad deg degga ah, kana kooban 7 faqradood.

12.QODOB’ka 199,aad. Ee ka hadlaya wax ka bedelka dastuurka, faqradiisa 3,aad, ugu yaraan (440.000,) oo muwaadiniin ah ayaa lagu bilaabi karaa habraaca wax ka bedelka dastuurka, (waxaa loo bedelay 40,000).

13.QODOBka, 210,aad ee Ciwaankiisu yahay Qodobbada is-khilaafsan, oo labo (2) faqradood ka kooban, ayaa meesha laga saaray.

14.QODOBka 204-aad, ee ka hadlaya dhaqangalka dastuurka oo ahaa Hal farqad ama prograph. Waxaa lagu kordhiyey farqad cusub. Oo u qoran sidan:

(2) dhaqangalka qodobada la xiriira aqalka sare ee Baarlamanka Federaalka meelaha lagu xusay Dastuurkan, dib ayaa loo dhigay inta laga gaarayo samaynta dhammaan Dowladaha Xubnaha ka ah Dowladda Faderaalka ah iyo inta kuwa matalaya loo dhaarinayo xilka ayagoo ah xubno ka tirsan xubnaha aqalka sare ee Baarlamaanka Federaalka. Inta uu laalan yahay samaynta aqalka sare ee Baarlamanka Federaalka, Golaha shacabka ayaa qabanaya dhammaan waajibaadka iyo hawlaha dastuurkan siisay aqalka sare wuxuuna u shaqaynayaa sida Baarlaman ka kooban Hal-aqal, si daacad-nimo ku jirtana maanka ugu haynayaa mabaadi’da aasaasig ee awood qaybsiga ee nidaamka Federaalka lagu qeexay qodobka (3) ee dastuurkan iyo danaha Gobolada Soomaliyeed marka la gaarayo go’aanada.

15. Waxaa kaloo la khalday qaarna laga saaray Jadwalada kala guurka ah (A. iyo B. iyadoo lagu bedelay Calanka iyo astaanta) iyo wax yaalo kale oo aan meesha ku jirin.

Nagala soo xiriir : Puntlandpost.pp@gmail.com

Puntlandpost.com
Garoowe.

Garoowe: (pp)- Hay,adda Wadooyinka Puntland ayaa bilowday dayactirka wadada isku xirta Kalabayr iyo Jalam iyadoo maanta gacanta lagu hayo Buundada Waabaha ka dib waxyeelo buundada kazoo gaartey roobabka.

Madaxda Buundada kormeertey

Masuuliyiin uu ka mid yahay Agaasimaha Guud ee Hay,adda Wadooyinka Puntland Eng,Maxamuud Aadan Dalab ayaa kormeeray sida ay u socoto wadada oo dhisme uu ka soconayo .

Wadada ayaa waxaa ka howl galaya qalabka Hay,adda PHA oo ay ka mid yihiin Cagaf cagafta ,Booyadaha ,iska rogooyinka iyo qalabka yaryar oo loo isticmaalo dayactirka wadooyinka.

Agaasimaha hay,adda PHA Maxamud Cabdinuur oo ka warbixiyey kormeerkiisii ka dib ayaa warfidiyeenka u sheegey in qorshahan uu qeyb ka yahay mid ay ku doonayaan inay ku gaaraan ilaa Gaalkacyo oo ay wax ka qabaneyso hay,addiisu wadooyinka u dhexeeya ee u baahan dayactir-ka.

Suurto galnimada in lagu guuleysto hagaajinta wadooyinka oo burbur xoogan uu soo gaarey ayaa Khabiiradda Hay,adda PHA ku sheegeen inay u baahan tahay dhaqaale baaxad leh.

Dayactirka hadda hay,adda ka wado wadada u dhaxaysa kalabeyr iyo jalam ayaa lagu wadaa in lasoo gabo gabeeyo maalinta berito ah , iyadoona ay soo bilaamatey howsha wadadani laga soo bilaabo 25 April .

Nagala soo xiriir : Puntlandpost.pp@gmail.com

Puntlandpost.com
Garoowe.

May waa maalinta loo aqoonsadey maalinta shaqaalaha Adduunka oo ay shaqaale badan oo ka shaqeeya goobo kala duwan ay ku helaan fasaxyo .

Xuska maalintan oo laga qabto meelo badan oo ka mid ah caalamka ayaa haddana wadanka Somalia qeybo ka tirsan laga xusaa iyadoo Madaxda Hay,addaha, Shirkadaha iyo Maamuladu fasax siiyaan shaqaalaha u shaqeeya, inkastoo aan la wada oran karin maalintani si rasmiya ayaa shaqaalaha Somalia ka howl-gala uu u dareemaa fasax uu ka siman yahay.

Goobaha maamulada wadanka ka jirra shaqaalaha ka howl-gala ayaa sida laga tilmaami karro maalintan oo kale Somalia fasax ka hela, walow aan la hubin in si la mid ah shaqaalaha u shaqeeya shirkadaha ay fasaxan u bixiyaan iyo in kale, haddana waxaa jira warar tilmaamaya in goobaha ganacsiga gaarka loo leeyahay maalintan aanan ku baraarugsaneyn fasax-siinta shaqaalahooda.

Munaasabadan oo ku beegan maanta oo ay taariikhda bishu tahay 1 bisha 5 aad ayaa masuuliyiin ka tirsan Madaxda Somalida ay qoraalo kasoo saareen xafiisyadooda islamarkaana hambalyo maalintan ku aadan ugu direen dhamaan shaqaalaha dunida gaar ahaan kuwa Somalia.

Dowlada Federaalka.

Ra,iisal wasaaraha Somalia Cabdi Faarax Siciid (Shirdoon) oo xalay xafiiskiisa kasoo saarey warsaxaafadeed ayaa hambalyo iyo bogaadin ugu direy shaqaalaha Somaliyeed oo uu sheegey inay laf dhabar u yihiin howlaha adag ee ka soconaya Somalia.

Mudane Saacid waxa uu intaas ku darey in Xukuumadiisu ku dadaali doonto xuquuqda shaqaalaha oo aan marar badan helin xaqooda sababo la xiriira duruufaha Somalia ka jirra.

Puntland iyo Maalintan.

Dowlada Puntland Maalintan waxay horey ugu dartey 9-ka maalmood ee Puntland u aqoonsatey maalmaha fasaxa Puntland, taasi oo ay ahmiyad ku siinayso maalintan in shaqaalaha ka howl-gala xafiisyadeeda iyo goobaha kale ay helaan fasax qeyb ka noqda fasax-yada kale ee Shaqaalaha Dunida.

Xuska maalintan ayaa Puntland sanad walba lagu qabtaa iyadoo ay soo Agaasinto Wasaarada Shaqada ,Shaqaalaha ,Dhalinyarada iyo Sportiga, balse waxa moodaa sanadkan in uu ka bedelan yahay sanadadii horre maxaa yeelay wali ma jirto war ku saabsan maalintan oo kasoo baxay dhanka Wasaarada iyo Masuuliyiinta Dowlada Puntland .

Xaaladda Shaqaalaha Somalia.

Inta badan maalintan waxaa looga faa,iideystaa in lagu baraarugo dhibaatooyinka waaweyn ee haysta shaqaalaha Dunida, sida hababka shaqaaleysiinta,kuwa ku saleysan hab qabyaaladeedka,Afkaaro diimeedka, kala sooca lab iyo dhediga iyo takooro kale oo kasoo horjeeda xeerka Shaqaalaha Rayidka.

Dunida ma jirto xeer xadidaya mushahaarka ugu hooseeya ee lagu shaqaaleysiin karro saacadiiba, sidaas darteed waxaa jirta meelo badan oo ka mid ah dunida in loo shaqeeyaashu ay bixiyaan mushahaaro aad u liita oo aanan u dhigmin shaqada ay qabtaan shaqaaluhu.

Warbixin kasoo baxdey Urur ka shaqeeya Arimaha Xuququl Insaanka oo xafiisyo ku leh Somaliland ayaa dhaliil dhusha uga tuurey in dhibka ugu badan shaqaalaha Somalia uu kasoo gaaro shirkadaha iyo Ganacsatada oo ka faa,iideysanaya kormeer la,aanta iyo la xisaabtan la,aanta ay caado ka dhigteen inay ku tuntaan xuquuqda shaqaalaha.

Shaqaalaha qeybtood ayaa shaqeeya in ka badan 8 saacadood ee xeerka shaqalaha Rayidku dhigey , islamarkaana aan la siin lacago dheeriya (Overtime Payment) sida uu warbixintiisa ku sheegey ururkaasi ka jirra Somaliland.

Warbixinta ururka ayaa sidoo kale looga hadley in uu wel wel weyn ka jirro xaga caruurta yar yar ee la shaqaaleysiisto , midaas oo kasoo horjeeda xeerka shaqaalaha, sidoo kale warbixintu waxay ka hadashey haweenka oo ay sheegtey in aan la siin xuquuqdooda shaqo ee ay ka mid yihiin fasaxa dhalmada iyo fasaxa naasnuujinta.

Warbixinta kasoo baxdey Xafiiska Ururkaasi ayaa lagu sheegey inay ka jirto Somalia dulmi xaga shaqada oo loo geysto shaqaalaha Ajnabiga ah, gaar ahaan Ethiopian-ka oo ku shaqeeya mushahaar ka hooseeya kan muwaadiniinta.

Isku soo wada duuboo maalintan ayaa ah mid lagu soo bandhigo warbixino kala duwan oo ka xog waramaya xaalada shaqalaha wadan walba, balse nasiib daro wadanka Somalia kama ay jirto warbixino rasmiya oo kasoo baxa, lagaga-na hadlo marxalada shaqaalaha Somalia.

Nagala soo xiriir : Puntlandpost.pp@gmail.com

Puntlandpost.com
Garoowe.

Garoowe: (pp)- Xarunta Guddoonka Waxbarashada Gobolka Nugaal magaalada Garowe ayaa maanta lagu soo gabo gabeeyey tababar soconayey 5 maalmood oo ay ka qeyb galayeen Maamulayaasha Dugsiyada sarre ee Gobolada Nugaal, Mudug, Sool iyo Cayn.

Tababarkan oo ahaa mid ay iska kaashanayeen Wasaarada Waxbarashada Puntland iyo Hay,adda Carre International ayaa lagu barayey ka qeyb galayaasha arruurinta tirakoobka waxbarashadda oo ka kooban 5 qeybood oo kala ah, Uruurinta xogta Macalinka, Xogta Ardeyga, Xogta qallabka Dugsiga, Xogta dhaqaalaha dugsiga, iyo Xogta maamulka dugsiga.

Maamulaha Dugsiga Sarre ee Cumar Samatar Gaalkacyo oo ku hadlayey magaca maamulayaasha tababarkan loo qabtey ayaa sheegey inay wax ka badan ka faa,iideen casharadii loo soo gubdiyey , islamarkaana ay kaga howl-gali doonaan iskuulada ay maamulaan.

Gudoomiyaha Waxbarashada Gobolka Nugaal Xasan Cabdulahi (Xasan Birimo) oo uu soo wakiishay Agaasimaha Guud ee Waxbarashada Puntland Maxamed Cabdiwahaab ayaa sheegey in muddo labo todobaad ah looga baahan yahay maamulayaasha tababarka kasoo qeyb galey inay kusoo buuxiyaan foomam goobta lagu siiyey ,islamarkaana ah ka hor xilliga xiritaanka dugsiyada sarre oo  ay dhow dahay.

Mid la mid ah tababarkan ayaa isna waxa lagu qabtey Gobolada Puntland, waxaana ka qeyb galay in ka badan 600 oo maamulayaal dugsiyada hoose, dhexe , kuwaas oo laga caawinayo sidii loo bari lahaa uruurinta xogta iskuulada.

Axmed Shiikh Carre International

Nagala soo xiriir : Puntlandpost.pp@gmail.com

Puntlandpost.com
Garoowe.

Tv-Somalichanel ayaa habeenimadii xalay baahiyay dood aad u xiisa badan, loogana hadlayay booqashadii Madaxweynaha Soomaaliya uu ku tagay Puntland. Doodan oo uu marti ku ahaa Aqoonyahan Ismaaciil Aadan Diiriye, kana faalooda Siyaasada Geeska Africa Iyo Somalia.
Aqoonyahan Ismaaciil Aadan Diiriye, Waxaa uu si qoto dheer leh uuga hadley Mowqifka Puntland Iyo sababaha Puntland ku khasabaya iney shirka London ka baaqsato. Sidoo kale waxaa Barnaamijkan khadka Taleefanka uuga qeyb galayay Wasiirka Warfaafinta Puntland.

Daawo Dooda ku aadan Booqashadii Garoowe ee Madaxweyne Xasan Sheekh.

Puntlandpost.com