Kismaayo(pp) Qurba jooga Mamulka Jubba ayaa waxay soo gaarsiiyeen isbitaalka magalada Kismaayo xarunta Jubadda hoose agabyo caafimaad oo aad u muhiim ah,kuwaasoo mamulka isbitaalka ay ku farxeen.
Munaasibad uu mamulka Jubba deeqdaan ugu wareejinayo mamulka isbitaalka ayaa lagu qabtay isla isbitaalka,waxana ka hadlay wasiirka caafimaadka iyo fayadhowrka mamulka KMG ah ee Jubba Xasan Daahir Yaroow wuxuna sheegay deeqdaan caafimaad inay soo dhiibeen qurba joogta Jubbaland ayna ugu talo galeen isbitaalka Kismaayo.
Deeqdaan caafimaad ayaa iskugu jirtay sariirada bukaanada lagu seexiyo, kuraasta curyaamiinta oo , qaboojiyeyaal lagu keeydiyo dhiigga, raajooyin waxana loogu talo galay in looga faa’iideeyo dadka dadka bukaanka ah.
Dadka hantida haysta ee dibada iyo dalka ku nool ayuu wasiirka caafimaadka Jubba ugu baaqay inay ka war hayaan xili kasta isbitaalka Kismaayo oo bur bur lixaad-le soo gaaray intii ay dagaaladu gudaha dalka ka socdeen.
Agaasimaha isbitaalka magalada Kismaayo Dr.Cabdisamad Abiikar Xaaji,wuxuna u mahad ceshay dadkii isku howlay inay caawiyeen isbitaalka,wuxuna sheegay qof kasta inay waajib ku tahay inuu dadka bukaanka ah usoo gurmado.
Qalabka dhiiga lagu kaydiyo waxa uu noqonayaa mid si wayn uu isbitaala Kismaayo ugu baahnaa,maadama uusan horay u lahayd meel dhiiga lagu kaydiyo.
Puntlandpost.com
Xafiiska Kismaayo