Bosaso(pp) Masuuliyiin ka socda wasaradda Caafimaadka dowladda Puntland ayaa maanta magalada Bosaso kula shiray qaar ka mid ah dhaqaatiirka caafimaad ee Gobalka Bari.
Kulanka ayaa salka ku hayay sidii looga hortagi lahaa cudurka Duumada oo bilihii ugu danbeeyay dib ugu soo laabtay magalada Bosaso waxana kulankaasi lagu sheegay inay muhiim tahay in goobaha caafimaadkaa laga baxo oo dadka si toos ah loogu sheego inay iska baaraan oo ka hortaga qaataan.
Madaxa Duumadda ee wasaradda Caafimaadka Dr.Cabdikariin Xuseen Xasan ayaa sheegay inay muhiim tahay in shacabka magalada Bosaso laga wacyi galiyo cudurka Duumadda oo ka mid ah cudurada dilaaga ah kaasoo toban qof ugu geeriyooday magalada Bosaso.
Dr.Cabdikariin ayaa sheegay inay sii wadayaan wacyi galinta noocaan oo kale ah oo looga hortago halista uu xanbaarsan yahay Duumada.
Goobaha waxbarashada,meelaha ay dadku ku badan yihiin iyo xaafadaha ayaa lagu wadaa in si joogta ah wacyi galinta looga bilaabo.
Puntlandpost.com
Xafiiska Bosaso