Garowe(pp) Hay’adda maxaliga ah ee Tadamun ayaa maanta magalada Garowe kusoo gabo-gabaysay tababar socday mudo afar maalmood ah oo dadkii kasoo qayb galay lagu barayay sida bulshada Garowe looga wacyi galin lahaa heerka aqoontodana korna loogu qaadi laha dhanka HIV/AIDS iyo caabuqyada lagu kala qaado galmada.
Tababarkan ayaa loo qabtay Afartan qof oo iskugu jira Culimo,Odayaal dhaqan,macalimiin,dhalinyaro iyo kooxaha caafimaadka ee xaafadaha Israac iyo Hodan Magalada Garowe waxana maalgalisay Hay’adda UNDP waxana fulinta iska leh Hay’adda Tadamun oo loosoo gaabiyo (TASS).
Furitaankii waxaa kasoo qayb galay Saadiq oo kasocda hay’adda ladagaalanka HIV/AIDS ka PAC, Sharmarke Cabdi Cilmi oo ka socday hay’adda UNDP , Cabdirashiid Dabayla Qore oo isna kasocday Dawladda hoose ee Garowe iyo Mohamed Abdulkadir Faarah (Shiine) oo ah wakiilka TASS u fadhiya magalada Garowe.
Maxamed Shiine oo bilowgii tababarka ka hadlay ayaa sheegay u jeedada tawabarkan inuu yahay sidii kor loogu qaadi lahaa tayada aqooneed ee bulsha isla markasna laxiriita dhanka HIV/AIDS wuxuna tilmaamay muhiimada ay bulshada u leedahay tawabarka oo loo baahanyahay in laga faa’idaysto.
Sharmaarke oo ka socday hay’adda UNDP ayaa isna u mahad celiyay dadkii tababarkan kasoo qayb galay Wuxuna u sheegay inay fursadan ay nasiibka u yeesheen siday uga faa’idaysan lahaayen oo ay wada shaqeen fiican ula yeelan lahaayeen fududeeyaasha iyo wakiilada hay’dda TASS si loo gaaro ujeedka laga lahaa tawabarkan iyo Barnaamijka CCE.
Agaasimaha arrimaha bulsahda ee dowladda hoose Garowe Cabdirashiid Ciise Wayaale ayaa isna tilmaamay muhimada tawabarkan ay u leedahay bulshada reer Garowe wuxuna ka codsaday hay’adda UNDP in tiradda xaafadaha kulama iyo tawabaradda loo qabanyo in kor loo qaado haddan inay khatar badan hadda ay jirto dhanka HIV/AIDS-ka ah loona baahanyahay in aad loo taxadaro
Ugu danbayn saadiq ayaa tawabarkan u furay bulshada wuxuna ku booriyay inay ka faa’idaystaan bulshada inteeda kalana ay gaarsiiyan wixi ay halkan ka barteen si loo helo number badan oo bulshada kamida oo ku wacyi gashan xanuunkan HIV/AIDS ka
Barnaamijkan CCE-ga waxay hay’adda TASS waday ilaa sanadki 2011 iyadoo la kaashaneysa hay’adda ladagaalanka HIV/AIDS ka PAC iyo Dawladda hoose ee Garowe markii ugu horaysay waxaa laga bilaabay 2 xafadoo oo kala ahaa (Waabari iyo Hanti wadaag ) hadana wuxui ka socdaa 2 xafadood kaloo cusub oo kala ah (Israac iyo Hodon).
Dadkii ka faa’iidaystay tababarkan ayaa Puntlandpost u sheegay inay ku faraxsan yihiin aqoonta ay ka dhaxleen tababarka waxayna u mahad celiyeen madaxa Hay’adda Tass oo xili kasta u taagan sidii bulshadda Puntland looga wacyi galin lahaa khataraha kaga imaan kara dhanka caafimaadka iyo nabadgalyada.
Puntlandpost.com
Xafiiska Garowe