Garowe(pp) Munaasibad uu xilka kula wareegayo Gudoomiyaha cusub ee Gobalka Nugaal ayaa maanta lagu qabtay xarunta Gobalka ee magalada Garowe.
Waxaa kasoo qayb galay munaasibadaasi wasiiro,Isimo,waxgarad,Haween,dhalinyaro iyo siyaasiyiin kale.waxana inta ay xafladu socotay laga soo jeediyay khudbado kala duwan oo diiradda lagu saarayay sida looga baahan yahay mamulka cusub inuu hormarka Gobalka iyo Ammaankiisa ka shaqeeyo.
Gudoomiyihii hore ee Gobalka Nugaal Cabdi Xirsi Cali (Qarjab) ayaa ka hadlay waxyaabihii uu qabtay tan iyo mudadii uu xilka Gudoomiyaha ahaa,wuxuna tilmaamay inay muhiim tahay shacabka Gobalka inay la shaqeeyaan Gudoomiyaha cusub ayna dhinac istaagaan.
Inkastoo munaasibada laga soo jeediyay khudbado soogin iyo soo dhawayn ah,hadana Suldaan Siciid Maxamed Garaase oo ka mid ahaa Isimadii kulanka lagu casumay ayaa sheegay Gudoomiyaha cusub ee Gobalka inay ayid san yihiin isla markasna laga rabo waxqabad muuqda,wuxuna ugu duceeyay inuu alle la garab gallo xilka culus ee loo wakiishay.
Gudoomiyaha cusub ee xilka la waregay Cabdiqani Xaashi Cali Ciise ayaa balan qaaday inuu xooga saari doono ammaanka,hormarka Gobalka isku xirka dhalinyaradda iyo ka shaqaynta danaha dadwaynaha Gobalka Nugaal wuxuna sheegay inay ka go’an tahay sidii shacabka Gobalka Cadaalad loogu addeegi lahaa.
Wasiir ku xigeenka Arrimaha gudaha Cabdilaahi Qoobdeero ayaa sheegay inuu ku faraxsan yahay xilka loo magacaabay Gudoomiyaha cusub wuxuna tilmaamay shacabka Gobalka Nugal iany ka sugayaan waxqabad muuqda iyo howlkarnimo.
Wasiirka Shaqada shaqaalaha iyo dhalinyaradda Puntland ayaa dhankiisa sheegay inay la shaqayn doonaan gudoomiyaha cusub ee Gobalka Nugaal.
Puntlandpost.com
Xafiiska Garowe