Bosaaso(pp)Mu’asada Al -Minhaaj ee dacwada iyo hormarinta ee puntland ayaa ku wareejisay Maamulka gobolka Bari iyo kan jeelka weyn ee magaalada Boosaaso ee xarunta Gobalka Bari qalab loogu talagalay in lagu sii tababaro maxaabiista in ay xabsiga ku xiran yihiin jeelka Boosaaso
Qalabka lagu wareejiyay Jeelka weyn ee magaalada Boosaaso ayaa waxaa uu ka koobnaa kuwa lagu sameeyo Bulukeetiga lugu dhiso guryahay , Dawaarrada dharka lagu tolo iyo weliba makiinad casiri ah oo lagu jaro al-waaxda
munaasbaad kooban oo lagu wareejinayay qalabkan oo lagu qabatay gudaha jeelka Boosaso waxaa ka qaybagalay masuuliyiin uu ka mid ahaa gudoomiye kuxigeenka gobolka bari iyo Taliyaha Jeelka magaalada Boosaaso, iyo Xubno ka socday mu’ asasada qalabkan wareejineysay ee Al -Minhaaj
Gudoomiyha Mu’asda Al-Minhaaj ee Puntland Ustaad Maxamed Cabdulaahi Cabdule oo goobta ka hadaly ayaa faah fahiyay Qalabka ay maanta ku wareejinaayaaan Maamulka Gobalka iyo Taliyaha jeelka Bosaso, isagoo sheegay in faa’iido balaaran uu u leeyahay qalabkan maxaabiista xukunkooda ku qaadanaya gudaha jeelka.
Gudoomiye Ku xigeen ka Gobalka Bari Axmed Cali Cabdulaahi oo dhankiisa isna hadal ka jeediyay halkaas ayaa bogaadiyay mu’asasada qalabkan bixineysay, isagoo si rasmi ah ugu wareejiyay taliye shire oo ah taliyaha jeelka weyn ee magaalada Boosaaso.
Taliyaha Jeelka Boosaaso Shire Siciid Maxamed ayaa dhankiisa sheegay in ay baahi wayn u qabeen noocaana ah , waxaana uu balan qaadaya in ay uga faa’iidayn doonaan maxaabiista ku xiran jeelka Boosaaso
ma ahan markii ugu horaysay oo qalab noocani ah ay mu’asada Al minhaaj ku wareejiso jeelalka puntland horay sidaan oo kale waxay qalab noocan ah ugu wareejisay jeelka wayn ee Magaalada Garoowe
Puntlandpost.com
Xafiiska Boosaso