Garowe(pp) Jaamacadda Puntland State University ayaa lasoo gaasiiyay Buugaag faro badan oo loogu talo galay inay ka faa’iidaystaan ardaydda dhigata Jaamaca, iyadoona buugaagtani isagu jiraan qaybo kala duwan waxana laga keenay wadanka Ingiriiska.
Allaha u naxariistee Buuggtani ayaa waxaa Jaamacadda inta uusan dhiman ugu deeqay Aqoon yahay Nuur Xuseen Maxamuud oo geeriyooday wuxuna ka dardaarmay in Jaamacadda baagagtani la gaarsiiyo taasoo markii danbena loo geeyay.
Buugtan waxaa la wareegay Gudoomiye ku xigeenka Jaacadda Burhaan Aadan Cumar,waxana markii la wareejinayay joogay madaxa shaqada iyo shaqalaha Cabdideeq Cabdiraxmaan, madaxa qaybta Laybareeriga Cabdisamad Ducaale, Prof.Axmed Siciid Samatar iyo Gudoomiyaha ururka ardaydda Jaamacda Cismaan Cabdilaahi Cali Shiine.
Buugtan oo faa’iido u leh garaadka iyo kor u qaadista aqoonta ardaydda Jaamacadda ayaa waxaa wakiil ka ahaa oo Jaamacadda soo gaarsiiyay Gudoomiyaha ururka dhaqaatiirta Puntland ee Dr.Cabdirisaaq Jaamac Carta, waxana soo wakiishay Qurba joogta Puntland ee UK.
Puntlandpost.com
Xafiiska Garowe