Garoowe: (pp)- Xisbiga UDAD oo ka mid ah Xisbiyada ka hana qaaday Puntland , ayaa shaaca ka qaaday in xisbigooda uu kusoo biiray Raiisal wasaarihii hore ee DF ee Soomaaliya C/weli Maxamed Cali Gaas.
Gudoomiyaha Ururka UDAD
Guddoomiyaha Xisbiga Saciid Maxamed Faarax ayaa ka warbixiyey kulano ay la yeesheen masuliyiin ka socotay Ururka midowga Yurub oo ay kawada hadleen arrimaha dimoqraadiyeyna Puntland.
Daawo Video-ga
Guddoomiyaha ayaa afka ku ballaariyey in Xisbigooda uu kusoo biiray Prof. Gaas , ayna aad ugu faraxsan yihiin, ayna soo dhoweynayaan.
Ururada Mucaaradka iyo siyaasiyiinta la yaqaan ayuu ugu yeeray guddoomiyuhu in ay kusoo biiraan Xisbigooda , isla markaasna ay ka wada shaqeeyaan Nabada iyo horrumarka Puntland.
Sikastaba, Puntland oo waqtigan ay ka jiraan xisbiyo badan ayaa loo badinayaa in billaha soo socda ay isku hardin doonaan loolan siyaasadeed oo la doonayo in labada Xisbi ugu codka badan doorashooyinka degmooyinka ay u tartamaan higaanka sare ee Puntland.
Doorashooyinka Puntland ayaa muhiimadooda leh marka la gaaro waqtiga doorashooyinka ,Waxaana doorashooyinka Puntland sida lagu wado ay noqon doonaan kuwa xamaasad xanbaarsan , maadaama 14 sano kaddib la gelayo doorashooyinka ay shacabku ku dooranayaan muwaadinka ay doonayaan.
Nagala soo xiriir : puntlandpost.pp@gmail.com
Puntlandpost.com
Garoowe, Puntland