Gaarisa : (pp)- Ka dib weerar kooxo hubeysan ku qaadeen hotel laga cunteeyo islamarkaana ah mid lagu caweeyo oo ku yaal Magaalada Gaarisa ayaa lagu diley ilaa 6 qof halka uu jiro dhaawac ka badan tiradaasi dhimatey.
Dableydan hubeysan ayaa weerarka ku qaadey hotel kuwa dalxiiska ah islamarkaana rasaas ooda kaga qaadey 7 fiidnimo xilli dadkii goobtaasi ku sugnaa ay casho u fadhiyeen islamarkaana uu socdey daawashada Wararka TV-yada.
Saraakiisha Booliska Gaarisa ayaa u xaqiijiyey saxaafada in weerarkan ku dhinteen lix qof halka dhaawacu uu intaas ka sii badan yahay balse dhaawac-yada culculus ayay ku sheegeen boolisku in ay gaarayaan ilaa lix qof oo kale.
Hotelka weerarka lala beegsadey ayaa ahaa mid inta badan ay kusoo degi jireen dalxiisayaasha ka hor intii aan ciidamada Kenya dagaal la galin Ururka alshabab oo inta badan weerarada dhacda Dowlada Kenya ku eedeyso in ka danbeyaan.
Nagala soo xiriir : Puntlandpost.pp@gmail.com
Puntlandpost.com
Gaarisa.