Nayroobi(Puntland Post) Allaha u naxariisto, waxaa maanta magalada Nayroobi xarunta waddanka Kenya lagu aasay Marxuum Maxamed Ashir Walde oo xalay fiidkii isbitaal magaladaasi ku yaala ku geeriyooday.
Aaska marxuumka waxaa kasoo qayb galay masuuliyiin ka tirsan dowladda Federaala,Puntland,siyaasiyiin, culimo,aqoon yahan iyo Safiirka dowladda ee Kenya, aasaka ka dib ayay madaxdani jeediyeen khudbado u badan taariikhdiisa iyo tacsi. waxayna illaahay uga baryeen inuu samir iyo iimaan ka siiyo dhammaan umaddii iyo qoyskii uu ka baxay.
Xildhibaan Prof: Cabdirizaaq Cismaan Xasan (Juurile) oo ka mid ah Baarlamaanka Soomaaliya ayaa saxaafada la wadaagay wuxuu ka yaqaanay marxuum Walde waxa kale uu sheegay inuu ka mid ahaa dadkii ugu horeeyay ee BBC usoo shaqeeyay iyo warbaahintii dowladda.
Wasiiradii hore ee waxbarashada Puntland Cabdi Faarax Siciid Juxa iyo Cali Xaaji Warsame ayaa sheegay inay aad uga naxeen geerida Maxamed Abshir Walde waxa kale ay sheegeen inuu ahaa shaqsi wax badan u qabtay Soomaaliya.
Wasiirka Cadaalada Dowladda dhexe Cabdilaahi Axmed Jaamac (Ilka-jiir) ayaa sheegay isagoo ku hadlayay afka dowladda inay tacsi u dirayaan ehelkii iyo dadkii uu ka baxay Maxamed Abshir Walde oo uu sheegay inuu aqoon u lahaa.
Marxuumka ayaa kasoo qayb qaatay dhismihii Puntland 1998, sidoo kale waxa uu ka mid yahay dadka ganacsiga ku leh Soomaaliya iyo Kenya.
PUNTLAND POST
The post Marxuum Maxamed Abshir Walde oo maanta lagu aasay magalada Nayroobi appeared first on Puntland Post.