Istanbul-(Puntland Post) Ugu yaraan 36 ayaa ku dhimatay 100 kalana way ku dhaaawacmeen weerar loo adeegsaday bambooyin iyo qoryo, kaasoo lagu qaaday garoonka dayaaradaha ee magaalada Istanbul.
Weerarka ayaa waxaa sooqaaday 3 qof oo is miidaamiyey iyo qof kale oo boolisku toogasho ku dileen .
Ninka la toogtay oo AK47 ku hubeysnaa ayaa la sheegay in uu rasaas la beegsaday Terminalka Garoonka ay ka soo deggaan dadka ajaaniibta ee booqashada ku imaanaysa dalkaasi.
Madaxweynaha Turkiga Raccep Tayyip Erdogan ayaa sheegay in weerarka lagu qaaday garoonka dayaaradaha ee istanbul looga gol lahaa in lagu abuuro borobagaando ka dhan ah dalkiisa ayadoo la isticmaalayo dhiiga iyo xanuunka dadka aan waxba galabsan.
Turkigu wuxuu weerarka ku eedeeyey kooxda Ururka Daacish.
