Wasiirka Cafimaadka Dowlada Puntland Dr.Cabdinasir Cisman Cuuke ayaa maanta tababar u furay shaqaalaha xarumaha caafimaadka Gaar ahaan kuwa ka shaqeeya Duumada.
Furitaanka Shirka waxaa kasoo qeyb galay Madaxda Wasaaradda Caafimaadka,Madaxa malariayada ee Unicef Dr.Aliu,Shaqaalaha xarunta dhexe ee wasaaradda caafimaadka iyo masuuliyiin kale.
Tababarkan ayaa socon doona mudo 7 Barri ah waxaana diirada lagu saarayaa maamulida iyo daaweynta cudurka duumada.waxaa kale oo la iskula soo qaaday sidii bulshada loo bari lahaa daawo cusub oo la siinayo bukaanka la il daran cudurka Malaria
Dr Cabdinaasir Wasiirka Cafimaadka Puntland waxa uu sheegay in shaqaalaha ku howlan duumada looga baahan yahay inay bulshada ka wacyi galiyaan sidii ay uga badbaadi lahaayeen khatarta duumada
Dr.Aliu Madaxda malariyada Unicef ee Soomaaliya ayaa ka mahad-celiyay sida Wasaarada Cafimaadku markasta ugu howlan tahay arimaha Malaria isagoona ku booriyay shaqaalaha ka shaqeeya duumada inaan qof aan la baarin Daawo la siin karin , Sidoo kale wuxuu diirada saaray fa iidad daawada cusub ee dhawaan la filayo Puntland inay soo gaarto
Cudurka Duumada ayaa sanadihii 2012-2013-2014 ku laayay magaalada Boosaaso dad ka badan 30 qof.
Abshir Dhiirane
PUNTLAND POST
The post Tababar Garowe uga furmay shaqaalaha xarumaha caafimaad ee Puntland appeared first on Puntland Post.