Garowe (Puntland Post):- Waxaa maanta ka furmay magaalada Garowe shir qorshe loogu dejinayo xarunta tira-koobka Wasaaradda Qorsheynta iyo Iskaashiga Caalamiga ah, Waxaana kazoo qeyb galay shirkan xubnaha Statics Working Group oo ka socda Wasaaradaha iyo Hay,addaha Dowliga ee Puntland.
Cabdinaasir Cali Daahir oo ah Agaasimaha Xarunta Tira-koobka Wasaaradda Qorsheynta iyo Iskaashiga Caalamiga Puntland ayaa sheegey in kulankan oo soconaya muddo hal maalin ah lagu gorfeynayo shaqo maalmeedka xarunta Statics-ka ee saddexda sano soo socota 2017 ilaa 2019.
Wasiiru Dowlaha Qorsheynta iyo Iskaashiga Caalamiga Axmed Ibraahim Cawaale oo ka hadlay furitaankii shirka ayaa kula balamay xubnaha kulanku u furmay oo magacooda la yiraahdo Working Group inay si wanaagsan uga doodaan nidaamka tira-koobka oo uu sheegey inay ugu danbeysay Soomaaliya markii ay jirtay Dowladii dhexe AUN Siyaad Barre.
Shirkan looga hadlayo qorshe u dejinta xarunta tira-koobka Puntland , waxaa daba-jooga shir kale oo dhawaan lagu hubin doono qorshayaasha u degsan xarunta tira-koobka iyo waaxaha kale ee Wasaaradaha.
Abshir Dhiirane
PUNTLAND POST
The post Xarunta Tira-koobka Puntland oo qorshe loo dejinayo appeared first on Puntland Post.