Wararka ka imaanaya Degmada Qorxooley ee Gobolka Shabeelaha hoose ayaa ku waramaya in madaafiic qasaare geeystay halkaasi lagu garaacay.
Madaafiicdaasi ayaa waxaa ku dhintay labo Gabdhood oo isla dhalatay kuwaasi oo madaafiicda ay ugu tagtay hooygooda.
Hooyada dhashay Labada Gabdhood ee Geeriyootay ayaa Warbaahinta u xaqiijisay in xalay seqdii dhexe hoygii ay ka daganaayeen Gudaha Degmada Qorxooley ee Gobolka Shabeelaha hoose uu ku dhacay hoobiye islamarkaana uu ka dilay labo Gabdhood ay dhashay sidoo kale dhaawac daran uu soo gaaray wiil yar oo bilooyin dhalnaa.
“Labo Gabdhood oo aniga aan dhalay aya ku dhimatay hoobiye kusoo dhacay hoy aan ka daganeen Degmada Qorxooley ee Gobolka Shabeelaha hoose, labada Gabdhood waxaa lagu kala magacaabi jirey khadiijo iyo iyo Faadumo, labada Gabdhood waxa ay galeen qol si ay wax ugu soo qaadaan, mid kamid ah ayaa waday Cunug bilooyin dhalnaa, intii ay guriga ku jireen ayuu hoobiye kusoo dhacay labada gabdhood ayaa ku dhimatay halkaas, wiilkii yaraana waxaa soo gaaray dhaawac culus kiliyaha ayay wax ka gaareen Magaalada Muqdisho ayaa loosoo qaaday”, ayay tiri hooyada dhashay Labada Gabdhood.
Al-Shabaab iyo Ciidamada AMISOM ayaa madaafiic isku weeydaarsada Magaalada Qoryooleey iyo Deegaanada kale ee Koonfurta iyo Bartamaha Dhulka Somalia
Hoos ka dhageyso Codka
Xasan Maxamed Samatar Cowke
Puntland Post Muqdisho
The post Madaafiic Qasaare Geeystay oo ku Dhacday qoryooleey appeared first on Puntland Post.