Garoowe: (pp)- Wasiirka warfaafinta Dawlada Puntland Maxamuud Caydiid Dirir oo galabta ka qayb galaayey barnaamij dood ah oo ay qabatay Idaacada BBC-da ayaa ka waramay shaqaaqadii ka dhacay Magaalada Qardho iyo cida soo maleegtay.
Caydiid oo ka hadlay shaqaaqadii Qardho
Eng: Dirir waxa uu ayaan daro ku tilmaamay in General Cadde Muuse uu mar Labaad tuute u xirto colaad ka aloosanta Puntland, isagoo si cad u qeexay inuu ka dambeeyey wixii ka dhacay Magaalada Qardho iyo Dilkii Taliyihii ciidamada Kumaandooska Puntland ee dhawaan ku geeriyooday Magaalada Qardho kadib markii si toos ah ay u toogteen ilaalada cade Muuse kadib markii uu amar siiyey Madaxweynihi hore ee Puntland.
eenow oo si laab leh u difaacay kooxdiisa Damu-jadiid
Dhanka kale Dr Saadiq eenow oo kamid ah kooxda Damu-jadiid ee hogaamisa Dawlada Federalka ah ayaa siweyn u difaacay qadiyada kooxda Damu-jadiid ay ku hogaamiso Soomaaliya, isagoo sheegay inaysan wax shido ah ku hayn Maamulada ka jira Dalka sida Puntland iyo Jubbaland, Saadiq ayaa sheegay Dawlada Federalka hadii ay rabto inay wax yeesho Puntland inay mar hore ka taqalusi lahayd Guud ahaan Puntland, hadalkaas oo noqday mid ka yaabiyey umada reer Puntland.
Dr Saadiq ayaa kamid ah Madaxda sare ee kooxda Damujadiid waxaana la hadal hayey maalmihii lasoo dhaafay xil wasiir oo looga magacaabi doona Dawlada Federalka ah kadib isku shaadhayn uu samayn doono Madaxweyne Xasan Shiikh Maxamuud.
Puntlandpost.com