Bruxelles: (pp)- Madaxweynaha Puntland iyo Madaxda Jubbaland iyo Wafdiyo ay kala hogaaminayeen ayaa habeenkii Xalay ahaa kulan kula qaatay Magaalada Bruxelles ee dalka Biljum Jaaliyadaha Qurbaha ee ku nool dalalka Biljum, Holand, Germany, Ingiriiska , Danmark iyo Maraykanka.
Kulankaas oo qaatay muddo laba Saacadood ah ayaa waxaa si guud uga hadlay Madaxwenaha Puntland, isagoo ka hadlay howlaha ay u yimaadeen Bruxells iyo madaxda EU-da ee ay kula kulmeen Bruxelles . Madaxweynaha ayaa sheegay in ay si wanaagsan ugu guulaysteen arrimaha shirka Bruxelles ay u yimaadeen.
Madaxwene Faroole ayaa xusay oo kale in Qoraal dheer iyo khudbad labada ku dhiibeen arrimahii Puntland khuseeey, wuxuu kaloo xusay Madaxweynaha in Mudnaanta Puntland ay ku leedahay Caalamka uu yahay mid banaanka yaal oo Muuqada, madaxda yurubna ay ugu hanbalyeeyeen Puntland iyo booska Muhiimka ah ee ay ka taagan tahay Soomaalia iyo Caalamka intaba.
Madaxwenahu ayaa Jaaliyadaha ku waaniey in ay ka qab qaataan horrumarka dalka ka socda, isagoo xusay taageero yar oo la gaarsiiyo dalka, oo wadanka lagu taageerayo ay wax weyn u tahay Puntland.
Madaxwene Faroole ayaa kama danbeys sheegay in Puntland ay waligeed u taagnayd Taageerida Soomaaliya , wuxuuna intaas ku daray gargaarida Soomaaliya dhinac kasta ha noqoto in aysan jirin ciid ay uga haybaysanayaan.
Madaxda Jaaliyadaha yurub ee reer Puntland oo shirka ka hadlay ayaa ugu hambalyeeyey Madaxweynaha Puntland, sida wanaagsan ee ugu dadaalay horrumarinta arrimaha Puntland hanoqoto guddaha iyo dibada.
Xafladaan qiimaha badan ee loogo talagalay soo dhowenta madaxda Puntland iyo Jubbaland , waxaa hirgeliey Jaaliada reer Holland ee loogu magac darro Puntned , gaar ahaan Maxamed Qaasim iyo Axmed oo qayb wen ka qaatay qabanqaabada iyo soo dhoweytii Madaxda iyo Jaaliyada reer yurub.
Daawo Sawiro kale
Kulankaas waxaa ka hadlay oo kale Prof. Gaandi, isagoo ka warbixiyey xaalada guud ee Jubbaland State, waxaan Xaflada imaan Madaxweynaha Jubbaland Axmed Maxamed (Islaam) oo daal hayey dartiis uga soo qayb geli waayey Xaflada.
Waxaa kaloo kulankaas goob joog ka ahaa Raiisal Wasaarihii hore Cumar C/rashiid Cali Sharmaake, Prof. Jurile, Maxamed Xasan Barre, Wasiirka Caafimaadka Puntland Cali C/llaahi Warsame.
Kulankaas kaddib oo suáalo kooban lagu wediiyey Madaxweynaha Puntland, ayaa ka jawaabay dhammaan suáalihii la wediiyey.
Puntlandpost.com