Copenhagen: (pp)- Jaaliyada Puntland ee Copenhagen , Masaajidka Soomaalida ee Towxiid iyo Masjidka Waqafka ee Skandenevia ee Copenhagen oo iskaashanaya ayaa Deeq lacageed oo gaaraya ( 28 kun iyo 90 Doollar ) ugu deeqay dadka Soomaaliyeed ee ku nool Puntland ee ay dhibaatooyinka ay ka soo gaareen Dabaylihii & Roobabkii ka da´y Puntland.
Lagactaas deeqda ah , ayaa ahayd wejigii ugu horeeyey , iyadoo Wejiga labaad ee Sadaqada ah gadaal laga diri doono. haddii Illaahay uu raaliga ka dhigo.
Deeqdaas Lacageed ayaa lagu aadiyey Culimadii ay dowlada Puntland u wakiilatay gargaarka musoobooyinkii ka dhacay Puntland.
Waxaa lacagtaas Culimada ku wareejiyey Guddi Jaaliyada Puntland ay Wakiilatay oo Wakiil ka ah Masaajidada , kuwaas oo lacagta guddoonsiiyey Culimada oo uu Wakiil u ahaa Sheekh Daahir Aw Cabdi oo ahaa Guddoomiyaha Guddiga.
Waxaan halkaan Jaaliyadu uga mahadcelinayaan , Idaarada Masaajidka Soomaaliga & Idaarada Masjidka Waqaf Skandenevia iyo shacabka Soomaaliyeed sidda niyada wanaagsan ee ay uga ka qayb qaateen sadaqada lagu taageerayey shacabka Soomaaliyeed.
Dhammaanteen Allaha naguuleeyo intii Wanaaga & Sadaqada ka qayb qaatay-na miisaanka Xasanaadka Allaha u saaro — Aamiin.
Puntlandpost.com