Boosaaso(PP):Munaasabad ballaaran oo shahaadooyin lagu guddoonsiinayay ku dhowaad 40- gabdhood oo ka qalin jabiyay Machadka tababarada ee Hodaman ayaa manta lagu qabtay magaalada Boosaaso.
Munaasabada ayaa waxaa kasoo qaybgalay Dhallinyaro,Haween,Saraakiil ka socota hay’ado Caalami ah,ururada bulshada rayidka ah iyo masuuliyiin ka socday maamulka degmada Bosaso iyo Wasaaradda haweenka ee Puntland.
Ardaydaan shahaadada laguddoonsiyay ayaa bartay qaabka loo ganacsado, waxbaarshada Aas-aasiga iyo xirfada dharkarinta.
Xiriiriyaha ururka Hodman Siciid Cali Faarax oo Daah-faray Munaasabada ayaa sheegay in ardayda ka qalin jabisay Mcahadka ay qayb ka yihiin 100-arday oo wax ka barta Machadka tababarada ee Hodman, isagoona umahadceliyay Hay,addaha macahadka ka taageera arimaha wax barashada ardayda.
Mahado Shiikh Axmed oo ah guddoomiyaha macahadka Hodman ayaa ardayada qalin jabisay kula dar daarantay inay wixii ay barteen kula laabtaan bulshada ay la noolyihiin si ay uga faa,iideeyaan.
Mahado ayaa dhinaca kale ardayda usoo jeedisay inay ka digtoonaadan khatarta Tahriibta, wixii ay barteena uga shaqaystaan dalkooda.
Muddadi ay socotay munaasabadu ayaa waxaa madasha shahaaddoyin lagu guddoonsiiyay ardayda qalin jabisay, waxaana laga dheehanayay sida ay ugu faraxsanyihiin shahaadada laguddonsiyay.
Ardaydaan bartay xirfada dharkarinta iyo Waxbarshada Aas-aasiga ah ayaa la filayaa inay noloshooda ay wax wayn ka badesho xirfada ay barteen.
Puntlandpost.com
Xafiiska Boosaaso